“Turon” bosh murabbiyi Islombek Ismoilov Superliganing 5-turidan o‘rin olgan “OKMK”ga qarshi o‘yindan (0:1) so‘ng Facebook ijtimoiy tarmog‘ida fikr bildirdi deb, xabar bermoqda “Championat.asia”.
Biz ham insonmiz! Bizda ham sabrning chegarasi bor. Agar voqealar rivoji shunday davom etsa, butun umrga futboldan ketaman, lekin o‘zim bilan ko‘pchilikni olib ketaman. Bugunmi, ertagami, barchasining javob bor. Allohdan qo‘rqinglar.Ismoilov ushbu munosabatini katta ehtimol bilan uchrashuvning 35-daqiqasida yuzaga kelgan bahsli holatga nisbatan bildirgan. O‘sha vaziyatda “Turon” a’zolari Dayan Ponyevichning zarbasi chiziqni kesib o‘tdi degan fikrni ilgari surdi. Biroq hakamlar to‘p darvozaga kirmaganini ko‘rsatdi.Islombek Ismoilov, “Turon” bosh murabbiyi
Qayd etish joiz, bunday mojaroli holat “Turon” bilan birinchi marta sodir bo‘layotgani yo‘q. Bungacha jamoa Superliga 2-turi doirasida “So‘g‘diyona”ga nohaq belgilangan penalti evaziga mag‘lub bo‘lgandi. O‘shandan keyin Islombek Ismoilov uchrashuvidan keyin o‘z fikrlarini keskin ohangda bildirgandi va buning (so‘kingan holda etika normalarini buzganligi) uchun 2 ta o‘yinga diskvalifikatsiya qilingandi.
Mavzuga doir:
Izoh (0)