Ispaniya La Ligasining 35-turida “Barselona” “Atletiko” bilan nursiz durang qayd etdi.
Shu tariqa katalonlar hujumchisi Lionel Messi 15 yil deganda ilk bor La Liga doirasida mavsum davomida Madrid klublariga birorta ham gol ura olmadi. So‘nggi bor bunaqasi 2005/06-yilgi mavsumda kuzatilgandi.
2020/21-yilgi mavsumda “Barselona” Madrid jamoalariga ikkita gol urdi. Ularning ikkisi ham “Real” darvozasiga kiritildi, mualliflar: Ansu Fati va Oskar Mingesa.
Eslatib o‘tamiz, Messi “Real”ga 2018-yilning bahoridan beri gol ura olmayapti.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)