Robotlashtirilgan Acıbadem jarrohlik markazida multidistsiplinar tibbiyot mutaxassislarining jamoasi yillar davomida takomillashgan prostata saratonini davolashning eng zamonaviy usullarini qo‘llaydi. Radiologiya, yadro tibbiyoti, jarrohlik, radioonkologiya va laboratoriya tadqiqotlari kabi turli tibbiyot sohalarining hamkorligi tufayli 2500 dan ortiq bemorlar muvaffaqiyatli davolandi.
Acıbadem shifoxonasidagi urologiya bo‘yicha professor Ali Riza Kuralning ta’kidlashicha, klinikada davolangan barcha bemorlar istalgan vaqtda, favqulodda vaziyatda shifokorlar va hamshiralar bilan telefon orqali osongina bog‘lanishi va butun umr davomida mutaxassislar nazorati ostida bo‘lishi mumkin.
Maqsad — erta tashxis qo‘yish
50 yoshdan oshgan erkaklarda prostata muammolari ba’zida saraton rivojlanishiga olib keladi. Muntazam tibbiy tekshiruvlar va PSA darajasining tahlili kasallikni erta aniqlashga yordam beradi.
Prostata saratoni davolash mumkin bo‘lgan kasallikdir, shuning uchun erta tashxis qo‘yish muvaffaqiyatli davolanish imkoniyatini oshiradi. Agar oila a’zolarining kasallik tarixida onkologik kasallikka chalinish holatlari kuzatilgan bo‘lsa, erta yoshdan yoki 45-50 yosh oralig‘ida, har yili urologik tekshiruvdan o‘tish kerak.
“MRT prostata bezining yuqori aniqlikdagi tasvirlarini taqdim etadigan va bemorlarning 80 foizida prostata saratonining ehtimolini aniqlashga imkon beradigan dastlabki tashxis usullaridan biridir. MRT ma’lumotlari PSA darajasidagi ko‘rsatkichlar bilan birgalikda baholanadi va olingan natijalar asosida biopsiya o‘tkazish zarurati to‘g‘risida qaror qabul qilinadi”, — deydi professor Kural.
Markaz qanday ishlaydi?
Acıbadem’da jarrohlar va radiologlar urologik kasalliklarga chalingan bemorlarni tekshiruvdan o‘tkazadi. Jamoa olingan test natijalari asosida biopsiya buyuradi. Keyin bemorlar yanada rivojlangan Fusion biopsiyasiga yuboriladi. Ammo prostata saratonini aniqlash uchun asosiy tahlil 68Ga-PSMA bilan PET/KT hisoblanadi. Bu nafaqat o‘simtani baholay oladi, balki uning limfa tugunlari yoki suyaklarga tarqalishini ham aniqlaydi.
Robotlashtirilgan jarrohlikning erishgan yutuqlari
Da Vinchi robotlashtirilgan jarrohlik tizimidan foydalangan holda, shifokorlar operatsiyadan keyingi asoratlar ehtimolini kamaytirishi mumkin. “Da Vinchi robotidan foydalanilgan robotlashtirilgan jarrohlik rivojlanishda davom etayotgani shubhasiz. Siydik chiqarish yo‘llari va siydik pufagini tikishning o‘ziga xos uslubini ishlab chiqqanimizdan beri, prostata saratoni operatsiyasidan keyingi eng ko‘p uchraydigan asoratlar (siydikni tutib tura olmaslik, erektil disfunksiya) bartaraf etildi. Acıbadem robotlashtirilgan jarrohlik markazi erishgan natijalarni dunyoning yetakchi markazlari bilan taqqoslash mumkin. Biz saraton kasalligini nazorat qilish va prostata funksiyasini saqlab qolish qobiliyatining uyg‘unligiga erishdik”, — deydi Ali Riza Kural.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy
Telefon: +99895 144 54 45
Shuningdek, rasmiy sayt www.acibadem.com.ru orqali barcha kerakli ma’lumotlarga ega bo‘lishingiz mumkin.
Reklama huquqi asosida.
Izoh (0)