Vaqt o‘tgan sari ulug‘ g‘alaba kunidan tobora olislab boryapmiz, lekin yildan yilga ushbu misli yo‘q jasoratning axloqiy qudratini yana ham ko‘proq his qiladigan, urush qahramonlarining mangu qadriyatini teranroq anglaydigan bo‘lyapmiz. 9-may barcha avlod vakillarini jasorat, mardlik va qahramonlik tarixi bilan birlashtirib kelayotganiga yetmish yildan oshdi.
Ulug‘ g‘alaba o‘nlab xalqlarni fashizm ustidan qozonilgan, g‘alaba bayrog‘i ostiga birlashtirgan kundir. Urush yillarini, o‘sha vaqtdagi qurbonlar va iztiroblarni eslar ekanmiz, bobolarimiz boshidan o‘tkazgan dahshatli fojeaning miqyosini tasavvur ham qila olmaymiz. Har bitta inson sevimli vatani uchun oxirgi kuchi, oxirgi o‘qi va so‘nggi tomchi qoni qolguncha jang qildi. Har bitta askarning tarixi qayta-qayta hikoya qilishga arziydigan va bugungi avlod faxrlansa bo‘ladigan voqea hisoblanadi.
Ikkinchi jahon urushida 1,5 milliondan ko‘p o‘zbekistonlik ishtirok etdi. Ko‘plab xalqlar uchun og‘ir bo‘lgan o‘sha davrda, mehmondo‘st o‘zbek xalqi urush olovi qamragan yerlardan kelgan 1 milliondan ko‘p insonni qabul qildi.
Olis 1945-yili bo‘lgan bu g‘alaba haqidagi xotira, dunyo tarixini va millionlab insonlarning taqdirini o‘zgartirgan urushda bobolarimiz g‘olib bo‘lganini eslatib, bugungi avlodlarga faxr va g‘urur tuyg‘usini beradi.
Lukoil har yili Buxoro viloyatining Olot va Qorako‘l tumanlarida hamda Qashqadaryo viloyatining Dehqonobod va G‘uzor tumanlarida yashaydigan veteranlarni tabriklar edi. Sanitariya-epidemiologik vaziyatni e’tiborga olib, bu yil Lukoil kompaniyasi xodimlari veteranlarni uyiga borib tabriklay olmadi. Biroq g‘alaba kuni munosabati bilan sovg‘a sifatida, har bitta veteranning bank kartasiga 5 million so‘mdan pul o‘tkazildi.
Oramizdagi veteranlar soni yildan yilga kamayib borayotgani dilimizga qayg‘u soladi. Ular insoniyat tarixidagi eng dahshatli urushda halok bo‘lgan safdoshlarining oldiga ketishyapti. Biz ularni, bobolarimiz qanday qurbonlar berib, ulug‘ g‘alabaga erishganini, yelkama-yelka turib, dushman tomonidan kelayotgan o‘q va minalar “yomg‘iri” ostida jang qilib, keyingi avlodlar tinch, erkin yashashi uchun kurashganini esdan chiqarmasligimiz kerak.
Lukoil barcha veteranlarni ulug‘ g‘alaba bilan tabriklab, ularga sog‘liq va uzoq umr tilaydi. Avlodlar o‘rtasidagi rishta uzilmasligi uchun, oradan qancha yil o‘tsa ham o‘sha insonlarning jasorati va ulug‘ g‘alaba haqidagi xotira yuragimizda abadiy yashashi kerak. Mana shu xotira va shu hurmatni bolalarimizga singdirib, keyingi avlodlarga ham Ikkinchi jahon urushi qahramonlarining abadiy jasoratini meros qilib qoldirishimiz kerak.
Biz tariximizni unutmaymiz, u bilan faxrlanamiz va tinchlikni qadrlaymiz!
Lukoil Uzbekistan Operating Company matbuot xizmati
Reklama huquqi asosida.
Izoh (0)