Akfa Lighting kompaniyasi xodimlari Xotira va qadrlash kuni arafasida Ikkinchi jahon urushi faxriylari va ishtirokchilarini ziyorat qildi.
Ularga oziq-ovqat to‘plamlari tarqatildi, shuningdek, bayram bilan samimiy tabriklashdi. Har yili 9-mayda butun mamlakat bo‘ylab istirohat bog‘lari, xiyobonlar va maydonlarda ommaviy tadbirlar o‘tkaziladi, iliq so‘zlar aytilib, g‘alaba hamda yangi avlodlar kelajagiga zalvorli hissa qo‘shgan hamyurtlarimiz jasorati xotirlanadi.
Faxriylarimiz, shuningdek, ularga olovli ostonalarni bosib o‘tishga yordam bergan insonlar, xususan, ikki smenalab ishlagan zavod, fabrika ishchilari, hamshiralar va boshqa ko‘plab qahramonlar tufayli bugun biz tinch osmon ostidagi mamlakatda yashamoqdamiz.
Qonli urushga jalb qilingan davlatlar oilalar, bolalar, nabiralarning tinch hayoti uchun juda katta yo‘qotishlarni boshdan kechirdi. Ko‘plar frontdan qaytmadi. O‘sha mash’um kunlar yodida bo‘lganlar, odatda u yillarning dahshati haqida eslashni xohlashmaydi.
G‘ulom Mahkamov frontga 1944-yilda otlangan, o‘sha vaqtda u 18 yoshda edi. Bu yil u 95 yoshni qarshilaydi. Agar hozir faxriylarimizning oq-qora suratlariga qaraydigan bo‘lsak, urush o‘chirib bo‘lmaydigan iz qoldirganini payqash mumkin. Suratlardagi yigitlar yoshiga nisbatan sezilarli darajada katta ko‘rinadi. G‘ulom aka Berlingacha yetib borgan, ozmuncha qiyinchilik va to‘siqlarni yengib o‘tmagan. Bugun u farzandlari va nabiralari davrasida, e’tibor va e’zozda. Akfa Lighting xodimlari unga chin ko‘ngildan mustahkam sog‘liq tilashdi va sovg‘alar ulashishdi.
Yana bir faxriy Asqar Jumayev Ukraina, Germaniya va Berlinda, Vladimir Kuznetsov Belarusda, Maqsud Oqilov esa Vengriyada jang qilgan. Akfa Lighting xodimlari ularni Xotira va qadrlash kuni bilan muborakbod etdi, shuningdek, front ortida mehnat qilgan Huri Abdullayeva, Jamila Nurmuhammedova, Fotima Salimsoqova, Anastasiya Vorontsova, Lyubov Morevaning xonadonlariga tashrif buyurib, oziq-ovqat to‘plamlarini yetkazishdi.
Zamonaviy avlod uchun faxriylar va Ikkinchi jahon urushi qatnashchilari jasorat hamda mardlik namunasi bo‘lib qoladi va biz ularning oldidagi qarzimizni hech qachon uzolmaymiz!
Reklama huquqi asosida.
Izoh (0)