Kinematografiya agentligi 9-may — Xotira va qadrlash kuni munosabati bilan 10 taga yaqin, yangi filmlarning milliy televizion premyerasini taqdim etadi.
Namoyishi kutilayotgan filmlar ro‘yxatida Kinematografiya agentligi va Samarqand viloyati hokimligi hamkorligida, rejissor Shuhrat Mahmudov tomonidan suratga olingan “Matonat” hujjatli filmi, rejissor Ali Hamroyev rahbarligi ostida 4 nafar yosh kinoijodkorlar tomonidan suratga olingan “Unutilmas qahramonlar” turkumidagi 8 ta hujjatli filmi, shuningdek, chet el kino fondlaridan qaytarilgan 16 ta o‘zbek durdona asarlari ham o‘rin olgan. “Unutilmas qahramonlar” turkumidagi filmlarda Zebo G‘aniyeva, Qudrat Suyunov, Inoyat Navro‘zboyev, Mamadali Topivoldiyev kabi o‘zbekistonlik urush qahramonlari haqida hikoya qilinadi.
Kuni kecha katta premyerasi o‘tkazilgan rejissor Hilol Nasimovning “Meros” badiiy filmi ham yurtimiz kinoteatrlarida namoyish etilishi belgilangan. Filmda urush oqibatlari qozoq va o‘zbek yoshlari o‘rtasidagi muhabbat orqali yoritib berilgan.
Bundan tashqari, O‘zbekiston madaniy merosini o‘rganish, saqlash va targ‘ib etish bo‘yicha butunjahon jamiyati bilan hamkorlikda chet el kino fondlaridan raqamlashtirilib, yurtimizga qaytarilgan “Sen yetim emassan”, “Jarroh”, “General Rahimov”, “1941-yil olmalari”, “Unutilmagan qo‘shiq” kabi 16 ta durdona asarlarning ayrimlari ilk bora to‘liq va asl holatda televideniye orqali namoyish etilishi rejalashtirilgan.
Davlat rahbarining sohaga e’tibori sabab, bugun tomoshabinlar uchun urush mavzusidagi qator filmlarni teleekran orqali namoyish etish yo‘lga qo‘yilmoqda. O‘tgan yil G‘alabaning 75 yilligi munosabati bilan telekanallarimizda “Ilhaq” filmining o‘zbek tilidagi milliy televizion namoyishi o‘tkazilgan edi. Joriy yil bayram munosabati bilan ushbu film rus tilida tomoshabinlar e’tiboriga havola qilinadi.
Eslatib o‘tamiz, 3—7-may kunlari O‘zbekiston elektron ommaviy axborot vositalari milliy assotsiatsiyasi tashabbusi bilan bir qator hamkor tashkilotlar ko‘magida, “Yangi O‘zbekiston. Yangi nigoh” media-haftaligi o‘tkazildi.
Media-haftalik doirasida 15 nafar yosh kinoijodkorlar grantlar bilan taqdirlandi. Shuningdek, taniqli kinoijodkorlardan iborat “Kinokarvon” Samarqand, Xorazm viloyatlari va Qoraqalpog‘iston Respublikasida ijodiy safarda bo‘lib, uchrashuvlar tashkil etdi.
Filmlarning televizion namoyishi bilan quyidagi ro‘yxat orqali tanishish mumkin.
Reklama huquqi asosida.
Izoh (0)