Вақт ўтган сари улуғ ғалаба кунидан тобора олислаб боряпмиз, лекин йилдан йилга ушбу мисли йўқ жасоратнинг ахлоқий қудратини яна ҳам кўпроқ ҳис қиладиган, уруш қаҳрамонларининг мангу қадриятини теранроқ англайдиган бўляпмиз. 9 май барча авлод вакилларини жасорат, мардлик ва қаҳрамонлик тарихи билан бирлаштириб келаётганига етмиш йилдан ошди.
Улуғ ғалаба ўнлаб халқларни фашизм устидан қозонилган, ғалаба байроғи остига бирлаштирган кундир. Уруш йилларини, ўша вақтдаги қурбонлар ва изтиробларни эслар эканмиз, боболаримиз бошидан ўтказган даҳшатли фожеанинг миқёсини тасаввур ҳам қила олмаймиз. Ҳар битта инсон севимли ватани учун охирги кучи, охирги ўқи ва сўнгги томчи қони қолгунча жанг қилди. Ҳар битта аскарнинг тарихи қайта-қайта ҳикоя қилишга арзийдиган ва бугунги авлод фахрланса бўладиган воқеа ҳисобланади.
Иккинчи жаҳон урушида 1,5 миллиондан кўп ўзбекистонлик иштирок этди. Кўплаб халқлар учун оғир бўлган ўша даврда, меҳмондўст ўзбек халқи уруш олови қамраган ерлардан келган 1 миллиондан кўп инсонни қабул қилди.
Олис 1945 йили бўлган бу ғалаба ҳақидаги хотира, дунё тарихини ва миллионлаб инсонларнинг тақдирини ўзгартирган урушда боболаримиз ғолиб бўлганини эслатиб, бугунги авлодларга фахр ва ғурур туйғусини беради.
Lukoil ҳар йили Бухоро вилоятининг Олот ва Қоракўл туманларида ҳамда Қашқадарё вилоятининг Деҳқонобод ва Ғузор туманларида яшайдиган ветеранларни табриклар эди. Санитария-эпидемиологик вазиятни эътиборга олиб, бу йил Lukoil компанияси ходимлари ветеранларни уйига бориб табриклай олмади. Бироқ ғалаба куни муносабати билан совға сифатида, ҳар битта ветераннинг банк картасига 5 миллион сўмдан пул ўтказилди.
Орамиздаги ветеранлар сони йилдан йилга камайиб бораётгани дилимизга қайғу солади. Улар инсоният тарихидаги энг даҳшатли урушда ҳалок бўлган сафдошларининг олдига кетишяпти. Биз уларни, боболаримиз қандай қурбонлар бериб, улуғ ғалабага эришганини, елкама-елка туриб, душман томонидан келаётган ўқ ва миналар «ёмғири» остида жанг қилиб, кейинги авлодлар тинч, эркин яшаши учун курашганини эсдан чиқармаслигимиз керак.
Lukoil барча ветеранларни улуғ ғалаба билан табриклаб, уларга соғлиқ ва узоқ умр тилайди. Авлодлар ўртасидаги ришта узилмаслиги учун, орадан қанча йил ўтса ҳам ўша инсонларнинг жасорати ва улуғ ғалаба ҳақидаги хотира юрагимизда абадий яшаши керак. Мана шу хотира ва шу ҳурматни болаларимизга сингдириб, кейинги авлодларга ҳам Иккинчи жаҳон уруши қаҳрамонларининг абадий жасоратини мерос қилиб қолдиришимиз керак.
Биз тарихимизни унутмаймиз, у билан фахрланамиз ва тинчликни қадрлаймиз!
Lukoil Uzbekistan Operating Company матбуот хизмати
Реклама ҳуқуқи асосида.
Изоҳ (0)