Myunxenning “Bavariya” klubi Germaniya chempionligini qo‘lga kiritdi.
Bundesliga 32-turidan o‘rin olgan o‘yinda “Leypsig” “Borussiya D”ga imkoniyatni boy berib qo‘yganidan so‘ng (2:3) “Bavariya”ning muddatdan oldin 2020/21-yilgi mavsum chempioni bo‘lgani oydinlashdi.
Bu myunxenliklar uchun Bundesligadagi ketma-ket to‘qqizinchi chempionlik bo‘ldi. Umumiy hisobda klub Germaniya chempionatida 31 marta zafar quchgan.
“Bavariya” bosh murabbiyi Hans-Diter Flik uchun esa bu Myunxen klubidagi yettinchi sovrin bo‘ldi. Mutaxassis bungacha ham jamoa bilan birgalikda ikki marta Bundesliga g‘olibiga aylangandi. Shuningdek, u Germaniya Kubogi va Superkubogi, Chempionlar Ligasi, UEFA Superkubogi hamda klublar o‘rtasidagi jahon chempionatida g‘alaba qozongan.
Flik “Bavariya”ni 2019-yilning noyabr oyidan beri boshqarib keladi. Avvalroq uning mavsum so‘ngida jamoani tark etishi va yangi bosh murabbiy etib, Yulian Nagelsmann tayinlanishi haqida xabar berilgandi.
Izoh (0)