Toshkent metropolitenining “Chilonzor” yo‘nalishida 28-aprel kuni yuz bergan texnik nosozlikdan so‘ng “Paxtakor” bekatidan Sergeli tomon maxsus avtobuslar yo‘lga qo‘yildi. Bu haqda Toshkent transport boshqarmasi xabar qildi.
“Chilonzor metro liniyasidagi ‘Novza’ bekatidan Sergeli tomon metro poyezdlari harakati qisman to‘xtatilgani sababli ‘Paxtakor’ bekatining vestibyulidan Sergeli tomon harakatlanadigan maxsus avtobus yo‘nalishlari tashkil etildi”, – deyiladi boshqarma xabarida.
Eslatib o‘tamiz, 28-aprel kuni Toshkent metropolitenining “Novza” bekati yaqinida poyezd vagoni texnik nosozlik oqibatida to‘xtab qoldi. Ijtimoiy tarmoqlarda metro yo‘lovchilari tunnel bo‘ylab piyoda ketayotgani aks etgan video va fotolar tarqaldi. Shundan so‘ng ushbu liniyadagi poyezdlar teskari yo‘nalish bo‘ylab harakatlana boshladi. Poytaxt metropoliteni alohida uchastkalarda bitta yo‘ldan foydalangan holda faoliyatini davom ettirilayotgani ma’lum qilingan.
Izoh (0)