Navoiy viloyati Uchquduq tumanida 3 yoshli farzandini sotmoqchi bo‘lgan shaxs qo‘lga olindi, deya xabar bermoqda Bosh prokuratura huzuridagi departament matbuot xizmati.
Qayd etilishicha, departament, DXX hamda IIB Uchquduq tumani bo‘limlari tomonidan hamkorlikda tezkor tadbir o‘tkazilgan. Unda fuqaro D.B. (ayol) 2018-yilda tug‘ilgan qiz farzandini fuqaro I.ga 60 million so‘mga sotgan vaqtida ashyoviy dalillar bilan ushlangan.
Mazkur holat yuzasidan D.B.ga nisbatan Jinoyat kodeksining 135-moddasi (odam savdosi) bilan jinoyat ishi qo‘zg‘atilib, tergov harakatlari o‘tkazilmoqda.
Bundan avval Buxoroda yangi tug‘ilgan chaqaloqni 8 million so‘mga sotmoqchi bo‘lgan ona va bola ushlangani, Toshkentda 8 oylik o‘g‘lini 10 ming dollarga sotishga uringan ayol qo‘lga olingani hamda Namanganda bir yoshga to‘lmagan o‘g‘lini 4700 dollarga sotishga uringan ayol ushlangani haqida xabar berilgandi.
Izoh (0)