Toshkent viloyatining O‘rta Chirchiq tumanida istiqomat qiluvchi aka-uka o‘zganing pul mablag‘ini firibgarlik yo‘li bilan o‘zlashtirmoqchi bo‘ldi, deya “Daryo”ga xabar qilmoqda DXX.
Ma’lum qilinishicha, aka-uka otasining yashash xonadoni yonidan o‘zboshimchalik bilan egallab olingan 28 sotix yerni ularga vaqtincha foydalanishga qoldirilganidan foydalanib, ushbu yer maydonini hamda uning yonidagi tuman hokimligi ixtiyorida bo‘lgan 14 sotix yerni, jami 42 sotix yer maydonini 35 ming AQSh dollariga sotmoqchi bo‘lgan.
Ular so‘ralgan puldan avans sifatida 10 ming AQSh dollari olgan vaqtlarida DXX va Bosh prokuratura huzuridagi departament xodimlari tomonidan ashyoviy dalillar bilan ushlandi.
Bundan avval Toshkent viloyatida 75 ming dollarga yer olib bermoqchi bo‘lgan soxta prokuror ushlangani, Andijonda 100 gektar yerni 128 ming dollarga sotishga uringan hokimiyat xodimi qo‘lga olingani hamda Navoiyda o‘ziga tegishli bo‘lmagan yerni 150 ming dollarga sotmoqchi bo‘lgan mansabdor shaxs ushlangani haqida xabar berilgandi.
Izoh (0)