Germaniya futbol ittifoqi Hans Flik uchun “Bavariya”ga kompensatsiya to‘lashning o‘ziga xos yo‘lini topdi

“Bavariya” klubi bosh murabbiyi Hans Diter Flik 2020/21-yilgi mavsum yakunida myunxenliklar boshqaruvini tark etadi.

56 yoshli mutaxassis bilan amaldagi shartnoma 2023-yilning yoziga qadar mo‘ljallangandi. Avvalroq “Bavariya” Flik bilan 2021-yilning yozida kelishuv bekor qilishi va uning o‘rnini Yulian Nagelsmann egallashini ma’lum qilgandi.

Flik Germaniya terma jamoasi bosh murabbiyi etib tayinlanishi kutilmoqda. Germaniya futbol ittifoqi mutaxassis bilan muzokaralar boshlanganini rasman ma’lum qildi.

Germaniyaning jurnalist Maksimilian Koxning xabar qilishicha, “Bavariya” va Germaniya terma jamoasi o‘rtasida o‘rtoqlik uchrashuvi o‘tkaziladi. Undan tushgan daromadning barchasi “Bavariya”ga beriladi. Shu orqali Germaniya futbol ittifoqi murabbiyning shartnomasini bekor qilish uchun to‘lanishi kerak bo‘lgan kompensatsiyani qoplab beriladi.

Mazkur o‘yinning muddati hali aniq emas, biroq u katta ehtimol bilan 2021-yilda bo‘lib o‘tadi.

Avvalroq Germaniya terma jamoasi bosh murabbiyi Yoaxim Lyovning Yevro—2020 musobaqasidan keyin terma jamoani tark etishi ma’lum bo‘lgandi.