“OKMK” klubi bosh murabbiyi Mirjalol Qosimov Osiyo Chempionlar Ligasi 5-turi doirasida “Al-Hilol”ga qarshi kechgan o‘yindagi yirik mag‘lubiyatdan (0:3) so‘ng o‘z fikrlari bilan o‘rtoqlashdi.
O‘yinga o‘tishdan avval musobaqadagi ikki xil taassurotim haqida gapirmoqchiman. Hali musobaqa tugamadi va bizni oxirgi turdagi bahs kutmoqda. Lekin bu mag‘lubiyatdan keyin guruhdan chiqish imkoniyati qolmadi. Xursand qiladigan tarafi, nufuzli musobaqada qatnashdik. Bu jamoa uchun katta maktab. Shuningdek, musobaqa davomida doim bizni qo‘llab-quvvatlagan barcha o‘zbekistonlik futbol muxlislariga katta rahmat aytaman. Ikkinchi tarafi, ya’ni yoqmagan jihat bu o‘zimizning xatolar tufayli ko‘plab gollarni o‘tkazib yuborganimiz bo‘ldi. Hayot davom etadi. Bu futbol, unda kimdir yutadi va kimdir yutqazadi.Bu mag‘lubiyatdan keyin OKMK guruhdan chiqish imkoniyatini yo‘qqa chiqardi.O‘yinga keladigan bo‘lsak, “Al-Hilol” kuchli ijrochilarga ega jamoa. Ular haqli g‘alaba qozondi. Birinchi bo‘limda 40-daqiqagacha yaxshi harakatlandik. Lekin rikoshet orqali urilgan gol va ikkinchi bo‘limdagi tezkor gol jamoaga ruhan ta’sir qildi.
Mirjalol Qosimov, “OKMK” bosh murabbiyi
“OKMK” — “Al-Hilol” uchrashuvida urilgan gollarni bu yerda ko‘rish mumkin — video.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)