“Real” hujumchisi Karim Benzema Chempionlar ½ final dastlabki bahsi doirasida “Chelsi”ga qarshi kechgan 27-aprel kungi o‘yinda (1:1) gol urdi.
Bu fransiyalik futbolchi uchun musobaqa doirasidagi 71-gol bo‘ldi. Benzema Chempionlar Ligasidagi gollari soni bo‘yicha “Real” sobiq hujumchisi Raul Gonsalesga yetib oldi.
Faqat Krishtianu Ronaldu (134 ta gol), Lionel Messi (120) va Robert Levandovski (73) bu borada Benzemadan yaxshiroq natija qayd etgan.
Benzema Ronaldu “Real”ni tark etganidan keyin ushbu musobaqada 15 ta gol urdi. Bu vaqt ichida portugaliyalik forvard “Yuventus” safida 14 ta gol urgan.
Benzema La Liga 2020/21-yilgi mavsumida 29 ta o‘yin o‘tkazib, 21 ta gol va yettita golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)