«Бавария» клуби бош мураббийи Ҳанс Дитер Флик 2020/21 йилги мавсум якунида мюнхенликлар бошқарувини тарк этади.
56 ёшли мутахассис билан амалдаги шартнома 2023 йилнинг ёзига қадар мўлжалланганди. Аввалроқ «Бавария» Флик билан 2021 йилнинг ёзида келишув бекор қилиши ва унинг ўрнини Юлиан Нагелсманн эгаллашини маълум қилганди.
Флик Германия терма жамоаси бош мураббийи этиб тайинланиши кутилмоқда. Германия футбол иттифоқи мутахассис билан музокаралар бошланганини расман маълум қилди.
Германиянинг журналист Максимилиан Кохнинг хабар қилишича, «Бавария» ва Германия терма жамоаси ўртасида ўртоқлик учрашуви ўтказилади. Ундан тушган даромаднинг барчаси «Бавария»га берилади. Шу орқали Германия футбол иттифоқи мураббийнинг шартномасини бекор қилиш учун тўланиши керак бўлган компенсацияни қоплаб берилади.
Мазкур ўйиннинг муддати ҳали аниқ эмас, бироқ у катта эҳтимол билан 2021 йилда бўлиб ўтади.
Аввалроқ Германия терма жамоаси бош мураббийи Йоахим Лёвнинг Евро—2020 мусобақасидан кейин терма жамоани тарк этиши маълум бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)