Futbol bo‘yicha Fransiya chempionatining 33-turida PSJ 18-aprel, yakshanba kuni “Sent-Etyen”ni qabul qildi.
Uchrashuvda hisob 77-daqiqaga kelib mehmonlar tomonidan ochildi. Bunga parijliklar ikki daqiqa o‘tar-o‘tmas Kilian Mbappening goli bilan javob qaytardi.
87-daqiqada Mbappe o‘zi ishlab olgan penaltini golga aylantirgan bo‘lsa, so‘nggi daqiqalarda “Sent-Etyen” muvozanatni tikladi. Hakam tomonidan qo‘shib berilgan vaqtning 5-daqiqasi o‘tib borayotgan bir vaqtda Mauro Ikardi parijliklarga g‘alaba keltirgan gol muallifiga aylandi.
Shu tariqa PSJ ochkolarini 69 taga yetkazib olgan holda ikkinchi o‘rinda ketmoqda va peshqadam “Lill”dan bir ochko ortda qolmoqda.
Liga 1
33-tur bahsi
18-aprel, yakshanba
PSJ — “Sent-Etyen” 3:2
Gollar: 0:1 – 77 Buanga, 1:1 – 79 Mbappe, 2:1 – 87, penalti Mbappe, 2:2 – 90 Amuma, 3:2 – 90+5 Ikardi.PSJ: Riko, Florensi (Dagba, 77), Kerer, Bakker, Kimpembe, Danilu Pereyra, Sarabiya (Di Mariya, 67), Rafinya (Verratti, 67), Errera, Kin (Ikardi, 68), Mbappe.
“Sent-Etyen”: Grin, Sisse, Debyushi (Mueffek, 56), Trauko (Abi, 89), Mukudi, Neu Nupa, Yussuf (Norden, 46), Monne-Pake (Buanga, 46), Kamara, Amuma, Hazri (Aushish, 68).
Ogohlantirishlar: Neu Nupa (57), Kimpembe (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)