Футбол бўйича Франция чемпионатининг 33-турида ПСЖ 18 апрель, якшанба куни «Сент-Этен»ни қабул қилди.
Учрашувда ҳисоб 77-дақиқага келиб меҳмонлар томонидан очилди. Бунга парижликлар икки дақиқа ўтар-ўтмас Килиан Мбаппенинг голи билан жавоб қайтарди.
87-дақиқада Мбаппе ўзи ишлаб олган пенальтини голга айлантирган бўлса, сўнгги дақиқаларда «Сент-Этен» мувозанатни тиклади. Ҳакам томонидан қўшиб берилган вақтнинг 5-дақиқаси ўтиб бораётган бир вақтда Мауро Икарди парижликларга ғалаба келтирган гол муаллифига айланди.
Шу тариқа ПСЖ очколарини 69 тага етказиб олган ҳолда иккинчи ўринда кетмоқда ва пешқадам «Лилль»дан бир очко ортда қолмоқда.
Лига 1
33-тур баҳси
18 апрель, якшанба
ПСЖ — «Сент-Этен» 3:2
Голлар: 0:1 – 77 Буанга, 1:1 – 79 Мбаппе, 2:1 – 87, пенальти Мбаппе, 2:2 – 90 Амума, 3:2 – 90+5 Икарди.ПСЖ: Рико, Флоренци (Дагба, 77), Керер, Баккер, Кимпембе, Данилу Перейра, Сарабия (Ди Мария, 67), Рафинья (Верратти, 67), Эррера, Кин (Икарди, 68), Мбаппе.
«Сент-Этен»: Грин, Сиссе, Дебюши (Муэффек, 56), Трауко (Аби, 89), Мукуди, Неу Нупа, Юссуф (Норден, 46), Монне-Паке (Буанга, 46), Камара, Амума, Ҳазри (Аушиш, 68).
Огоҳлантиришлар: Неу Нупа (57), Кимпембе (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)