2021-yilning ikkinchi yarmidan boshlab Ford F-150 pikaplari va Mustang Mach-E elektrokrossoverlariga rulni muntazam ushlashni talab etmaydigan trassa avtopiloti — BlueCruise’ni o‘rnatish boshlanadi. Tizim bozorga chiqquniga qadar AQShning 37 ta shtati va Kanadaning beshta provinsiyasidagi yo‘llarda 800 ming kilometrdan ortiq masofani bosib o‘tib, sinovdan o‘tkazildi, deb xabar beradi Motor.
Ford’ning BlueCruise trassa avtopiloti avtonomlikning ikkinchi avlod tizimiga taalluqli. U Ford Co-Pilot360 jamlanmasi bilan birgalikda ishlaydi, ya’ni adaptiv kruiz-nazorat, yo‘l markazida avtomobilni tutib turish rejimi va yo‘l belgilarini tanish funksiyasini talab etadi. BlueCruise faollashtirilgan holda haydovchi qo‘lini ruldan olishi mumkin, biroq faqatgina avtomagistrallarning Hands-Free Blue Zones deb nomlanuvchi qismida xolos. Shimoliy Amerikada bu kabi “Ko‘k zo‘nalar”ning uzunligi hozirda 160 ming kilometrni tashkil etadi va yaqin yillar ichida ularning soni kamida ikki baravarga oshiriladi.
Kerakli hududga kirilganida haydovchi qurilmalar panelidagi ko‘k indikatsiya orqali ogohlantiriladi. Ogohlantirishni olgach, rulni qo‘yib yuborish mumkin, ammo uxlash yoki kitob o‘qishning imkoni yo‘q — yo‘ldan ko‘zni uzmaslik kerak. Haydovchi har qanday soniyada boshqaruvni o‘ziga olishga tayyor bo‘lishi lozim va uni maxsus infraqizil kamera kuzatib boradi. Umuman olganda, “Kadillak”larning SuperCruise, Toyota’ning Advanced Drive tizimlari ham bemalol harakatlanish imkonini bermaydi.
BlueCruise ishga tushirilishidan oldin Mother of all road trips (“Barcha yo‘l harakatlarining onasi”) nomli intensiv dastur sinovdan o‘tkazilgan. Ikki oy ichida o‘nta test mashinalari (beshta F-150 va beshta Mustang Mach-E) 170 mingdan ortiq yo‘lni bosib o‘tgan. Ixtirochilarning so‘zlariga ko‘ra, ayrim magistrallardagi harakatlanish sharoiti va o‘ziga xosligini laboratoriya sharoitida yaratishning imkoni yo‘q, shu sababli butun qit’a bo‘ylab harakatlanish — tizim xavfsizligi ishonch hosilning yagona yo‘li.
Endilikda BlurCruise tizimi bilan 2021-yilgi model qatoridan o‘rin oladigan Ford F-150 va Mustang Mach-E jihozlanadi. Ford Co-Pilot360 Active 2.0 Prep paketiga ega pikaplarga dasturni shunchaki yangilash taklif etiladi — bu 600 dollar turadi. Dasturiy ta’minotning to‘liq qiymati esa 600—1595 dollar va “toshi” 995 dollar turadi. Mustang Mach-E krossoverlarining CA Route 1, Premium va First Edition versiyalariga avtopilot “bazaviy” o‘rnatiladi. Qolganlar esa qo‘shimcha 600—3600 dollar to‘lashi kerak bo‘ladi.
Eslatib o‘tamiz, mart oyida Honda ham boshqaruv vaqtida rulni ushlamaslik imkoniyatini taqdim etuvchi avtopilotga ega mashinasini taqdim etgandi.
Izoh (0)