Gvatemalada Pakaya vulqoni otilib chiqishda davom etmoqda, lava oqimi qahva plantatsiyalarigacha yetib bordi va turar joy binosini vayron qildi. Bu haqda “Korrespondent.net” xabar berdi.
Ko‘p miqdordagi kul darajasi dengiz sathidan 3 kilometr balandlikkacha yetdi. Lava oqimi El Patrosinio qishlog‘i yaqinidagi qahva plantatsiyalarigacha yetib keldi va bitta uyni vayron qildi.
Vulqonning samarali faoliyati deyarli 3 kilometr uzunlikdagi g‘arbiy qanotdagi lava oqimining harakatlanishiga sabab bo‘lyapti.
Seysmik stansiyalar magmaning ko‘tarilishi bilan bog‘liq bo‘lgan doimiy silkinishlarni, shuningdek, vulqon o‘chog‘ining muntazam gazsizlanishini qayd etyapti.
Avvalroq Islandiyaning janubi-g‘arbiy qismidagi Reykyanes yarimorolida 19-mart kuni olti ming yil uxlagan Fagradalsfyadl vulqoni otilgani haqida xabar berildi. Vulqon mamlakat poytaxti Reykyavikdan taxminan 30 kilometr uzoqlikda joylashgan. Reuters xabariga ko‘ra, vulqon sodir bo‘lgan joyda uzunligi 500 dan 700 metrgacha bo‘lgan yoriq hosil bo‘lgan, undan chiqqan lavalar 100 metrgacha balandlikka ko‘tarilgan. Tabiiy hodisaning dastlabki soatlarida lava bir kvadrat kilometrdan ortiq maydonga (200 ga yaqin futbol maydoniga teng) to‘kilgan.
Shuningdek, Sumatra orolida Sinabung vulqoni harakatga kelgani, Sitsiliyada Etna vulqoni, Indoneziyada Levotolo vulqoni uyg‘ongani haqida xabar berilgandi.
Izoh (0)