Foto: III Toshkent xalqaro marafoni yakunlandi. G‘olib va sovrindorlar ma’lum

Toshkent shahrida 28-mart, yakshanba kuni Navro‘z bayramiga bag‘ishlab III Toshkent xalqaro marafoni o‘tkazildi.

Ishtirokchilar o‘z kuchlarini marafon (42,195 km), yarimmarafon (21,0975 km), ekiden (5 km+10 km+5 km+10 km+5 km+7,195 km) hamda 3 km masofaga o‘tkazilgan poygada sinab ko‘rdi.

Tokio—2020 yozgi Olimpiya o‘yinlariga yo‘llanmalar bilan bir qatorda qimmatli reyting ochkolari taqdim etadigan marafon musobaqasida qo‘shni Qozog‘iston, Qirg‘iziston, Tojikiston, shuningdek Rossiya Federatsiyasi hamda O‘zbekistondan jami 76 nafar professional sportchi o‘z omadini sinab ko‘rgan bo‘lsa, yarimmarafon bahslarida ishtirokchilar soni 529 nafarni tashkil qildi. 3 km masofaga o‘tkazilgan yugurish va yurish musobaqasida esa 779 nafar ishtirokchi qatnashdi. Bundan tashqari, ekiden marafon bahslarida turli vazirlik, idora, korxona-tashkilotlar hamda O‘zbekistonda faoliyat olib borayotgan diplomatik korpuslardan jami 64 ta jamoa (har bir jamoa tarkibi 6 nafar ishtirokchidan iborat) ishtirok etdi.

Marafonning umumiy ishtirokchilar soni qariyb 1 800 nafarga yetdi. Ayniqsa, 3 km masofaga o‘tkazilgan poygalarda oilaviy qatnashganlar ham ko‘pchilikni tashkil qildi.

III Toshkent Xalqaro marafonida barcha yo‘nalishlar bo‘yicha g‘olib va sovrindorlar bilan tanishing:

3 km masofada

1. Diyorbek Ahmedov (2004-yil, Samarqand) – 9:33 daqiqa

1976—2003 yillarda tug‘ilgan yoshlar

1. Hasan Mirsoatov (1999-yil, Toshkent vil.) – 9:07 daqiqa

1975-yil tug‘ilgan va undan katta yoshlilar

1. Kamol Toshpo‘latov (O‘zbekiston) – 11:29

2004—2008-yillarda tug‘ilgan qizlar

1. Oyzira Jo‘raqulova (2005-yil, Surxondaryo) – 10:49 daqiqa

1976—2003-yillarda tug‘ilgan qizlar

1. Shohsanam Xurramova (2003-yil, Surxondaryo) – 10:18 daqiqa

1975-yil va undan katta yoshli ayollar

1. Anna Gladisheva (O‘zbekiston) – 18:03

Yarimmarafon

1. Shohruh Davlatov (Surxondaryo) – 1:06.05

2. Yevgeniy Fadeyev (Surxondaryo) – 1:07.14

3. Otabek Toshquvvatov (Samarqand) – 1:07.19

Ayollar

1. Darya Maslova (Qirg‘iziston) – 1:13.19

2. Aziza Mirzaakbarova (Andijon) – 1:16.14

3. Gulshanoy Sattarova (Qirg‘iziston) – 1:16.44

Marafon

1. Vladislav Mamedov (O‘zbekiston)

2. Ilya Tyapkin (Qirg‘iziston)

3. Zikrilla Mamatqulov (O‘zbekiston)

Ayollar

1. Mariya Karabetskaya (Qirg‘iziston)

2. Janna Mamajonova (Qozog‘iston)

3. Yekaterina Tunguskova (O‘zbekiston)

Ekiden

1. O‘zbekiston Respublikasi Mudofaa vazirligi

2. Surxondaryo viloyati terma jamoasi

3. O‘zbekiston davlat jismoniy tarbiya va sport universiteti

Ayollar

1. Farg‘ona viloyati terma jamoasi

2. Ichki ishlar vazirligi akademiyasi

3. O‘zbekiston Respublikasi Milliy gvardiyasi