Фото: III Тошкент халқаро марафони якунланди. Ғолиб ва совриндорлар маълум

Тошкент шаҳрида 28 март, якшанба куни Наврўз байрамига бағишлаб III Тошкент халқаро марафони ўтказилди.

Иштирокчилар ўз кучларини марафон (42,195 км), яриммарафон (21,0975 км), экиден (5 км+10 км+5 км+10 км+5 км+7,195 км) ҳамда 3 км масофага ўтказилган пойгада синаб кўрди.

Токио—2020 ёзги Олимпия ўйинларига йўлланмалар билан бир қаторда қимматли рейтинг очколари тақдим этадиган марафон мусобақасида қўшни Қозоғистон, Қирғизистон, Тожикистон, шунингдек Россия Федерацияси ҳамда Ўзбекистондан жами 76 нафар профессионал спортчи ўз омадини синаб кўрган бўлса, яриммарафон баҳсларида иштирокчилар сони 529 нафарни ташкил қилди. 3 км масофага ўтказилган югуриш ва юриш мусобақасида эса 779 нафар иштирокчи қатнашди. Бундан ташқари, экиден марафон баҳсларида турли вазирлик, идора, корхона-ташкилотлар ҳамда Ўзбекистонда фаолият олиб бораётган дипломатик корпуслардан жами 64 та жамоа (ҳар бир жамоа таркиби 6 нафар иштирокчидан иборат) иштирок этди.

Марафоннинг умумий иштирокчилар сони қарийб 1 800 нафарга етди. Айниқса, 3 км масофага ўтказилган пойгаларда оилавий қатнашганлар ҳам кўпчиликни ташкил қилди.

III Тошкент Халқаро марафонида барча йўналишлар бўйича ғолиб ва совриндорлар билан танишинг:

3 км масофада

1. Диёрбек Аҳмедов (2004 йил, Самарқанд) – 9:33 дақиқа

1976—2003 йилларда туғилган ёшлар

1. Ҳасан Мирсоатов (1999 йил, Тошкент вил.) – 9:07 дақиқа

1975 йил туғилган ва ундан катта ёшлилар

1. Камол Тошпўлатов (Ўзбекистон) – 11:29

2004—2008 йилларда туғилган қизлар

1. Ойзира Жўрақулова (2005 йил, Сурхондарё) – 10:49 дақиқа

1976—2003 йилларда туғилган қизлар

1. Шоҳсанам Хуррамова (2003 йил, Сурхондарё) – 10:18 дақиқа

1975 йил ва ундан катта ёшли аёллар

1. Анна Гладишева (Ўзбекистон) – 18:03

Яриммарафон

1. Шоҳруҳ Давлатов (Сурхондарё) – 1:06.05

2. Евгений Фадеев (Сурхондарё) – 1:07.14

3. Отабек Тошқувватов (Самарқанд) – 1:07.19

Аёллар

1. Даря Маслова (Қирғизистон) – 1:13.19

2. Азиза Мирзаакбарова (Андижон) – 1:16.14

3. Гулшаной Саттарова (Қирғизистон) – 1:16.44

Марафон

1. Владислав Мамедов (Ўзбекистон)

2. Иля Тяпкин (Қирғизистон)

3. Зикрилла Маматқулов (Ўзбекистон)

Аёллар

1. Мария Карабецкая (Қирғизистон)

2. Жанна Мамажонова (Қозоғистон)

3. Екатерина Тунгускова (Ўзбекистон)

Экиден

1. Ўзбекистон Республикаси Мудофаа вазирлиги

2. Сурхондарё вилояти терма жамоаси

3. Ўзбекистон давлат жисмоний тарбия ва спорт университети

Аёллар

1. Фарғона вилояти терма жамоаси

2. Ички ишлар вазирлиги академияси

3. Ўзбекистон Республикаси Миллий гвардияси