Biznes jetda uchgan Ortiqxo‘jayev, taygada dam olgan Putin, Toshkentga olib kelingan million doza vaksina. Hafta suratlari
Olam va O‘zbekistonda kamera obyektiviga tushgan haftaning eng yaxshi suratlarini namoyish qilamiz.
Islandiyaning janubi-g‘arbiy qismidagi Reykyanes yarimorolida 19-mart kuni olti ming yil uxlagan Fagradalsfyadl vulqoni otildi. Vulqon mamlakat poytaxti Reykyavikdan taxminan 30 kilometr uzoqlikda joylashgan.Foto: Getty Images
Toshkent shahri, Navoiy ko‘chasidagi yerosti o‘tish yo‘lida ketayotgan ayol.Foto: “Daryo” / Madina Nurman
Nyu-York Mets beysbol jamoasi o‘yinchisi Jeykob de Grom 2021-yil 21-martda Florida shtatining Vest-Palm-Bich shahrida Washington Nationals’ga qarshi bahorgi mashg‘ulot paytida.Foto: AP Photo
Britaniyaning Suonsi grafligi Gouer yarim orolidagi Uels tog‘ ponilari.Foto: “TASS”
Hindistonning Matura shahrida Holi bayrami nishonlandi. Afsonalarga ko‘ra, Shiva o‘z nigohi bilan Sevgi ma’budi Kamani yoqib yuborgan. O‘shandan buyon har yili Holi festivali doirasida marosim qo‘g‘irchog‘i yoqib yuboriladi va sayillar uyushtiriladi. Holida odamlar bir-biriga turli rangdagi bo‘yoqlarni sepib, bayramni nishonlaydi.Foto: SOPA
Toshkent shahri, Navoiy ko‘chasidagi e’lonlar peshtaxtasining chiqindiga to‘lgan abgor ahvoli.Foto: “Daryo” / Madina Nurman
Ispaniyaning shimoliy qirg‘oqlari yaqinida syorfingchi va uning iti o‘z sevgan mashg‘uloti bilan shug‘ullanmoqda.Foto: EPA
AQShning Oregon shtatida maysada yurgan xonqizi.Foto: “TASS”
Ispaniyaning Sevilya shahridagi Italika amfiteatrida Code 41 Andalusiya moda haftaligi davomida model Larhha moda uyi tomonidan yaratilgan libosni namoyish qilmoqda.Foto: Getty Images
Islomobodda 23-mart kuni mamlakat milliy bayrami – Pokiston kuni nishonlandi. 1956-yil 23-mart kuni Dominion Pokiston federativ davlati Pokiston Islom Respublikasiga aylangan. O‘shandan buyon 23-mart Pokistonning mustaqil musulmon davlatiga aylangan kuni sifatida nishonlanadi.Foto: EPA
Xitoyda o‘tkazilgan Sakura gullari festivalining qatnashchilari.Foto: EPA
Yong‘in oqibatida vayron bo‘lgan Bangladeshdagi Baluhali qochqinlar lageridagi qiz. 23-mart kuni kelib chiqishi noma’lum bo‘lgan yong‘in, lagerdagi minglab uylarni yo‘q qilgan. Kamida 15 kishi halok bo‘lgan, yuzlab odamlar bedarak yo‘qolgan. Guvohlarning so‘zlariga ko‘ra, lagerdagi to‘siqlar yong‘in hududidan qochishni juda qiyinlashtirgan.Foto: Getty Images
Angliyaning Tonton-Din hududidagi ippodromda o‘tkazilgan musobaqa.Foto: Getty Images
Ikitos shahridagi Belen mahallasining suv bosgan joyida bola to‘pni ustidan oshirib tepmoqda. Peru poytaxtida 480 dan ortiq amaldorlar o‘zlarining imtiyozli lavozimlaridan foydalanib, koronavirusga qarshi kurashayotgan sog‘liqni saqlash xodimlari bilan birga yashirin ravishda emlanmoqchi bo‘lgani mojaroga aylandi. Bu hafta Ikitosda 66 kishi COVID-19’ga qarshi emlash uchun navbatga kiritildi.Foto: AP Photo
Rossiya prezidenti Vladimir Putin va Mudofaa vaziri Sergey Shoygu Sibir Federal okrugidagi tayga o‘rmonida tamaddi qilmoqda. Uning aytishicha, Shoygu Putinni o‘zining yog‘ochdan turli buyumlar yasaladigan ustaxonasiga taklif qilgan.Foto: “TASS”
Haqiqiy ismini oshkor qilishni istamaydigan Minnesota shtatining Step Child jamiyati a’zosi, sherigi Erin Brennan va o‘gay qizi Mila Duron bilan deraza orqali tashqariga qarab turibdi. Afroamerikaliklarning o‘zini o‘zi himoya qilish uchun Jorj Floyd vafotidan keyin tuzilgan AR-15 avtomatlari va sport jiletlari bilan qurollangan bu jamiyat a’zolari o‘zlarini politsiya va afroamerikaliklar o‘rtasidagi “ko‘prik” deb ta’riflaydi.Foto: Getty Images
Toshkent shahar hokimi Jahongir Ortiqxo‘jayev hafta davomida Tojikiston va Turkmaniston poytaxtlariga ishchi tashrifi bilan bordi. Hokim Dushanbe shahri rasmiylari bilan qurilish sohasidagi hamkorlik masalalarini muhokama qildi. Ashxobodda ochiladigan “Toshkent” bog‘i loyihasi bilan tanishdi. Suratda Jahongir Ortiqxo‘jayev Dushanbe aeroportiga qo‘ngan biznes jetdan tushib kelmoqda.Foto: Asia-Plus
Gretsiya bayrog‘ini ko‘tarish marosimidan so‘ng prezident gvardiyasi a’zolari Akropol tepaligida joylashgan Parfenon ibodatxonasi oldidan o‘tmoqda. Gretsiya 25-mart kuni Usmonli turklar imperiyasiga qarshi mamlakat mustaqillik urushi boshlanganining 200 yilligini nishonladi. Shu munosabat bilan uyushtirilgan harbiy paradda Buyuk Britaniya shahzodasi Charlz va uning turmush o‘rtog‘i Kamilla mehmon sifatida ishtirok etdi.Foto: AP Photo
Toshkent xalqaro aeroportiga 27-mart kuni Xitoydan 1 million dozada Xitoy—O‘zbekiston ZF-UZ-VAC2001 vaksinasi olib kelindi. ZF-UZ-VAC2001 Xitoy Fanlar akademiyasi Mikrobiologiya instituti olimlari tomonidan yaratilgan, Anhui Zhifei Longcom Biopharmaceutical Co.Ltd farmatsevtika kompaniyasi tomonidan ishlab chiqilgan va o‘zbekistonlik olimlar bilan hamkorlikda klinik tadqiqotlari olib borilgan koronavirusga qarshi yangi rekombinant vaksinadir. Tadqiqotchilar koronavirusning “britancha” shtammi va boshqa shtammlaridan ham mazkur vaksina yordamida himoyalanish mumkinligini qayd etmoqda.Foto: “Daryo” / Madina Nurman
Marokashlik Yassim ismli yigit San-Kristobal de la Lagunadagi Las Rayses lageridan tashqarida vatandoshi Ibrohimning sochini olmoqda. Ispaniyaning migratlarga nisbatan e’tibori to‘g‘risida gap ketganda, qirol hukumati Yevropadagi qo‘shnilari tanqidiga ko‘p bora duchor bo‘lgan. Ayniqsa, Kanar orollaridagi muhojirlarning ahvoli, rasmiylar va inson huquqlarini himoya qiluvchi tashkilotlar tomonidan tanqid qilinadi. Bu yerga 2020-yili 23 mingga yaqin odam dengiz orqali yetib kelgan va shu orollarda qolib ketgan.Foto: AP Photo
Kolorado shtatida joylashgan King Soopers oziq-ovqat do‘konida sodir bo‘lgan otishma qurbonlarining yaqinlari motam tutib yig‘lamoqda. 10 kishini hayotdan olib ketgan otishma sababchisi sifatida 21 yoshli Ahmad Alissa ismli shaxs ayblanmoqda. Gumonlanuvchi psixologik muammolar va ta’qib vasvasasidan aziyat chekishi aytilmoqda.Foto: Getty Images
Mohini laqabli oq bengal yo‘lbarsi, 2021-yil 22-martda Vengriyaning Felsolayose shahrida, jamoat uchun yopiq bo‘lgan shaxsiy hayvonot bog‘ida egasi Tibor Tot bilan.Foto: Reuters
tiqilib qoldi. Kema neft va gazdan boshlab, mashina detallari va xalq iste’moli tovarlarini yetkazib berishdagi global zanjirni uzib qo‘ydi. Kemalar yo‘linig to‘sib qo‘yilishi jahon savdosiga soatiga 400 million dollarga tushmoqda. 400 metrli kemani sayozlikdan chiqarishga urinishlar hozircha samara bermayapti. AQSh harbiylari ham kemani sayozlikdan chiqarish uchun o‘z yordamini taklif etdi." data-action="zoom" class="border lazyload" />
Izoh (0)