Bugun,

  • USD 11014.01
  • RUB 191.8
  • EUR 10674.78

Koronavirusga qarshi kurashish shtabi a’zosi Nurmat Otabekov “Sevimli TV” telekanalining “Zamon” ko‘rsatuviga bergan intervyusida O‘zbekistonda aholini emlash tadbirlari 1-apreldan boshlanishini ma’lum qildi.

Foto: “Daryo” / Madina Nurman

Foto: “Daryo” / Madina Nurman

“O‘zbekistonda koronavirusga qarshi emlash tadbirlari 1-apreldan boshlanadi. Olib kelingan vaksina (AstraZeneca) bilan aytaylik, 330 ming odamni ikki marta emlashimiz kerak. Buning uchun vaksinalarni isrofgarchilikka yo‘l qo‘ymaydigan, vaksinani ochgan paytda to‘liq ishlatish imkoniyatlari yuzaga keladigan, qolaversa, yana bir bor birlamchi bo‘g‘in tizimini yangi vaksina bilan emlash ishlariga tayyorgarlik nuqtayi nazaridan bu vaqtni belgilaganmiz”, — deydi Nurmat Otabekov.

Avvalroq O‘zbekistonga COVAX dasturi doirasida 2,6 million doza AstraZeneca vaksinasi olib kelinishi, vaksinaning dastlabki partiyasi 17-mart kuni yetkazib kelingani haqida xabar berilgandi. Shundan 2021-yilning I choragida 35—40 foizi, qolgan qismi II chorakdan dunyo bo‘ylab vaksinalarni ishlab chiqarish imkoniyatlaridan kelib chiqqan holda, bosqichma-bosqich yetkazib berilishi ma’lum qilingan.

Mart oyining boshida O‘zbekistonda ZF-UZ-VAC 2001 vaksinasi birinchi bo‘lib foydalanish uchun ro‘yxatdan o‘tkazilgani to‘g‘risida xabar berilgandi. Shuningdek, Maxsus komissiya qaroriga ko‘ra, O‘zbekistonda Rossiyaning Gamaleya ilmiy-tadqiqot markazi tomonidan ishlab chiqilgan “Sputnik V” vaksinasini qo‘llashga ham ruxsat berilgan. Koronavirusga qarshi kurashish tadbirlari va vaksina uchun 3 trillion so‘m ajratish rejalashtirilgan.

Eslatib o‘tamiz, 23-fevral kuni YuNISEF tomonidan Sanitariya-epidemiologik osoyishtalik va jamoat salomatligi xizmati uchun 17 ta muzlatkichli yuk mashinasi va 206 ta miniven Changan avtomobillari topshirilgan. Ushbu maxsus avtomobillarning bir nechtasi foydalanishga topshirilgan kuniyoq Toshkentda YTHga uchradi. Bundan tashqari, O‘zbekistonga COVAX dasturi doirasida yuborilgan 4,5 tonna qadoqlangan shprislar qabul qilingan.

Izoh
Asosiy yangiliklar
Madaniyat
“Hayot bizni sinovga tashladi”. Sobiq “Ummon” guruhining xonandasi Jasur Rafiqovning saratonga chalingani aytilmoqda
Dunyo
Rossiyada safarbarlikdan bosh tortish bo‘yicha birinchi jinoyat ishi qo‘zg‘atildi
Dunyo
Shimoliy Koreya o‘zining raketa sinovlarini AQSH va Janubiy Koreya mashg‘ulotlariga “adolatli javob” deb atadi