Internetda Suvaysh kanalida tiqilib qolgan kema memga aylanib ketdi

Xitoydan Niderlandiyaga yo‘l olgan konteynerlarni tashuvchi eng yirik kemalardan biri Ever Given 24-martga o‘tar kechasi Suvaysh kanaliga tiqilib qolgandi. Kema neft va gazdan boshlab, mashina detallari va xalq iste’moli tovarlarini yetkazib berishdagi global zanjirni uzib qo‘ydi. Kemalar qatnovi bo‘yicha Lloyd’s List kompaniyasi hisob-kitoblariga ko‘ra, Suvaysh kanalida sayozlikka tiqilib qolgan Ever Given konteyner tashuvchi kemasi tomonidan kemalar yo‘linig to‘sib qo‘yilishi jahon savdosiga soatiga 400 million dollarga tushmoqda.

Hi-Tech.Mail.ru’ning yozishicha, hozirda Ever Given’ga sakkizta shatakchi kema yordam bermoqda. Biroq kemani joyidan siljitish u qadar oson emas: konteynerlarni tashishga mo‘ljallangan kemaning uzunligi 400 metrga teng, yuk ko‘tarish hajmi esa 224 ming tonnani tashkil etadi. Biror yordam ko‘rsatishga urinayotgan kichkina ekskavator juda kulgili ko‘rinish olgan.

Folks, I'm not feeling optimistic about the Suez situation. pic.twitter.com/lOEDMwMMpm

— Josh Marshall (@joshtpm) March 25, 2021

Reuters agentligning ma’lum qilishicha, konteynerlarni tashish bo‘yicha dunyodagi eng yirik operatorlardan biri hisoblanuvchi A.P. Moller-Maersk Group kemalar Afrikani aylanib o‘tishi imkoniyatini ko‘rib chiqmoqda, muhim yuklar esa poyezd yoki samolyotlar orqali yetkaziladi. Internet foydalanuvchilar bu borada ham turli memlar bilan bo‘lishmoqda.

ah damn this is unfortunate pic.twitter.com/SWC96ne8YM

— jim (@jbradfield) March 25, 2021

Ayrimlar “Titanlar hujumi”dagi qahramonni yordam chaqirishni taklif etmoqda.

the situation at the Suez Canal is getting out of hand pic.twitter.com/AHmM35MFp3

— Roidrage Zeno (@ldrinkh20) March 25, 2021

Qiziqarli fakt: ko‘pchilik kema nomini kompaniya nomi bilan chalkashtirmoqda. Konteyner tashuvchi kemaning rasmiy nomi Ever Given, uning yon tomonidan ulkan yozuv esa Evergreen. Evergreen Marine — kemasozlik kompaniyasining nomi, Evergreen — uning qisqartirilgan varianti. Kompaniyaning boshqa nomdagi kemalari ham bor, masalan, Ever Golden.