Bugun,

  • USD 11095.31
  • RUB 173.84
  • EUR 10772.44

Suvaysh kanaliga tiqilib qolgan Ever Given ulkan konteyner tashuvchi kema 27-mart, shanba kuni kanaldan chiqarilishi mumkin. Bu haqda The Wall Street Journal gazetasiga tayanib, “RBK” xabar berdi.

Foto: AP Photo

Foto: AP Photo

“Kemani sayozlikdan kutilganidan oldinroq qazib olishimiz mumkin”, — dedi kemani qutqarish bilan shug‘ullanayotgan xodimlardan biri. Uning ta’kidlashicha, kemaning tumshug‘i tiqilib qolgan sohildan uni qazib olishga qaratilgan yangi urinishlar “yaxshi ketmoqda”.

Shunday qilib, kanal tez orada kemalar harakati uchun qayta ochilishi mumkin.

Gazetaning yozishicha, ayni paytda qutqaruv guruhi kemaning tumshug‘i atrofidagi qum va loyni tozalamoqda, shu orqali kanalning suvi ko‘tarilgan paytda kemani joyidan siljitishga urinib ko‘rmoqchi.

26-mart kuni maxsus texnika yordamida Ever Given atrofidagi suv tubini qazish ishlari boshlangan edi.  Keyinchalik, kema operatori Berxard Shult Shipmanagment (BSS) kompaniyasi kemani ko‘chirishga urinishlar muvaffaqiyatsiz tugaganini xabar qildi.

Gollandiyaning SMIT kompaniyasi mutaxassislari voqea joyiga yetib keldi va misrlik mutaxassislar bilan kemani chiqarib olish yo‘llarini muhokama qilgan. Kompaniya vakillari 28-mart kuni 220—240 tonnagacha yuk tortadigan ikkita qo‘shimcha buksir yordamga jalb qilinishini, bundan tashqari 27-mart kuni voqea joyiga AQSh dengiz kuchlari mutaxassislarining yetib kelishini ma’lum qilgan.

Dastlab kemalar qatnaydigan yo‘lni ochishga ikki-uch kun ketishi taxmin qilingan edi. Ammo mutaxassislari ayni paytda Ever Given’ni sayozlikdan chiqarib olishga urinayotgan Boskalis kompaniyasi rahbari Piter Berdovski bunga haftalab vaqt ketishi mumkinligini aytgan. “Ehtimol, kemadan konteynerlarni, yoqilg‘i va suvni olish, shatakchilardan foydalanish va qumni yuvib yuborish kabi bir necha xil usullarni birgalikda qo‘llashga to‘g‘ri kelar”, — degan u.

Eslatib o‘tamiz, Xitoydan Niderlandiyaga yo‘l olgan konteynerlarni tashuvchi eng yirik kemalardan biri Ever Given 24-martga o‘tar kechasi Suvaysh kanaliga tiqilib qoldi. Natijada dengiz kemalari tribandligi hosil bo‘lgan. Ta’kidlanishicha, kemalar safi Hindistongacha cho‘zilgan. Turli xil taxminlarga ko‘ra, kema halokatiga noqulay ob-havo sharoiti, qum bo‘roni yoki elektr energiyasining uzilishi sabab bo‘lgan.

City A.M. nashrining xabar berishicha, kema halokati orqali kanal bo‘ylab harakatlanish to‘sib qo‘yilgandan so‘ng, neft narxi keskin ko‘tarilgan.

Kemalar qatnovi bo‘yicha Lloyd’s List kompaniyasi hisob-kitoblariga ko‘ra, Suvaysh kanalida sayozlikka tiqilib qolgan Ever Given konteyner tashuvchi kemasi tomonidan kemalar yo‘lining to‘sib qo‘yilishi jahon savdosiga soatiga 400 million dollarga tushmoqda.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi