Rossiya va Xitoyning COVID-19’ga qarshi vaksinalar yetkazib berish sohasidagi harakatlari tufayli Yevropa yangi turdagi jahon urushiga duch keldi, deb ta’kidladi Fransiya prezidenti Emanuel Makron. Bu haqda “Kommersant” xabar berdi.
Uning fikriga ko‘ra, Yevropa mamlakatlari vaksinalar masalasida boshqalarga qaram bo‘lmaslik uchun zarur choralarni ko‘rishi kerak.
“Vaksinalar yetkazib berish orqali boshqalarga ta’sir o‘tkazishga urinayotgan Rossiya va Xitoy bilan ish olib borib, biz yangi turdagi jahon urushiga duch keldik”, — deya Makronning so‘zlaridan iqtibos keltirdi Figaro gazetasi.
“Bu masalada bizga suverenitet kerak. Biz o‘zimiz vaksina ishlab chiqara olish holatida bo‘lishmiz lozim. Hozir biz ikkinchi avlod vaksinalarini ishlab chiqarishga tayyorgarlik ko‘ryapmiz”, — dedi Fransiya prezidenti. Uning fikriga ko‘ra, koronavirus hech qayerga ketmaydi, shuning uchun Yevropa Ittifoqining COVID-19 shtammlariga qarshi turishini ta’minlash uchun ishlash kerak.
Avvalroq Fransiya Tashqi ishlar vazirligining Yevropa ishlari bo‘yicha davlat kotibi Kleman Bonning ta’kidlashicha, Fransiya iyun oyida Rossiyaning “Sputnik V” koronavirusga qarshi vaksinasini qo‘llashi mumkinligini istisno qilmaydi. Bunga preparat Yevropa Dori-darmon vositalari agentligining tekshiruvidan o‘tishi kerak.
Avvalroq Fransiya prezidenti Emmanuel Makron aholini koronavirusga qarshi emlash imkoniyatlarini maksimal darajada oshirishga chaqirdi. Emlash markaziga tashrifi davomida Makron vaksinatsiya “maksimal” bo‘lishi va haftaning yetti kunida “ertalab, tushdan keyin va kechqurun” o‘tkazilishi kerakligini aytdi.
Izoh (0)