Yevropaning 200 ta shahrida 24-mart kuni pandemiya qurbonlari xotirasiga qo‘shma aksiya o‘tkaziladi. Kun yarmida bir daqiqalik umumyevropa sukut saqlashi rejalashtirilgan. Bu haqda Tengrinews xabar berdi.
Yevropaning Eurocities shaharlar assotsiatsiyasi bu marosimni o‘tkazish tashabbusi bilan chiqdi. Butunyevropa bir daqiqalik sukut kun o‘rtasiga rejalashtirilgan.
Ko‘plab mamlakatlarda o‘zining xotirlash marosimlari o‘tkazildi. Italiya, Ispaniya, Chexiya, Buyuk Britaniya, Polsha va Shveysariyada xotira tadbirlari tashkil etildi.
Lekin 24-martga rejalashtirilgan ramziy sukut saqlash butun Yevropa, butun dunyo bo‘ylab qayg‘udagi odamlarni birlashtirishi kerak. Assotsiatsiya prezidenti va Florensiya meri Dario Nardellaning ta’kidlashicha, sukut saqlash faqat vafot etganlar va ularning xotirasiga bag‘ishlanadi, shunday ekan bu vaqtni ayblovlar va siyosiy shiorlarga sarflamaslik kerak.
Ma’lumot uchun, dunyo bo‘yicha COVID-19 bilan kasallanganlar soni to‘rtinchi hafta ketma-ket ko‘paymoqda, o‘tgan hafta davomida virusga chalinish bo‘yicha 3,3 millionta yangi holat ro‘yxatga olindi. Shuningdek, olti haftalik pasayishdan so‘ng, yangi o‘limlar soni yana oshdi: 60 mingdan ko‘proq o‘lim qayd etildi.
Avvalroq dunyo bo‘yicha aholini koronavirusga qarshi emlash uchun keng ko‘lamdagi ishlar davom etayotgani va bu jarayon 132 ta davlatda olib borilib, hozirgacha 400 milliondan ortiq vaksina ishlatilgani haqida xabar berilgan edi.
Izoh (0)