Европанинг 200 та шаҳрида 24 март куни пандемия қурбонлари хотирасига қўшма акция ўтказилади. Кун ярмида бир дақиқалик умумевропа сукут сақлаши режалаштирилган. Бу ҳақда Tengrinews хабар берди.
Европанинг Eurocities шаҳарлар ассоциацияси бу маросимни ўтказиш ташаббуси билан чиқди. Бутуневропа бир дақиқалик сукут кун ўртасига режалаштирилган.
Кўплаб мамлакатларда ўзининг хотирлаш маросимлари ўтказилди. Италия, Испания, Чехия, Буюк Британия, Польша ва Швейцарияда хотира тадбирлари ташкил этилди.
Лекин 24 мартга режалаштирилган рамзий сукут сақлаш бутун Европа, бутун дунё бўйлаб қайғудаги одамларни бирлаштириши керак. Ассоциация президенти ва Флоренция мэри Дарио Нарделланинг таъкидлашича, сукут сақлаш фақат вафот этганлар ва уларнинг хотирасига бағишланади, шундай экан бу вақтни айбловлар ва сиёсий шиорларга сарфламаслик керак.
Маълумот учун, дунё бўйича COVID-19 билан касалланганлар сони тўртинчи ҳафта кетма-кет кўпаймоқда, ўтган ҳафта давомида вирусга чалиниш бўйича 3,3 миллионта янги ҳолат рўйхатга олинди. Шунингдек, олти ҳафталик пасайишдан сўнг, янги ўлимлар сони яна ошди: 60 мингдан кўпроқ ўлим қайд этилди.
Аввалроқ дунё бўйича аҳолини коронавирусга қарши эмлаш учун кенг кўламдаги ишлар давом этаётгани ва бу жараён 132 та давлатда олиб борилиб, ҳозиргача 400 миллиондан ортиқ вакцина ишлатилгани ҳақида хабар берилган эди.
Изоҳ (0)