Pandemiya boshidan beri to 16-mart, seshanba kuniga qadar butun dunyoda koronavirus bilan kasallanish bo‘yicha 120 217 175 ta holat qayd etildi. Bu haqda Amerikaning Jons Hopkins universiteti ma’lumotlarida keltirilgan.

Foto: aa.com

Universitet ma’lumotlariga ko‘ra, dunyo bo‘ylab COVID-19 bilan kasallanish oqibatidagi o‘lim soni 2 660 456 taga yetgan, 96 milliondan ortiq bemor kasallikdan tuzalgan.

COVID-19’ga chalinish bo‘yicha 10 million va undan ortiq holat aniqlangan mamlakatlarga AQSh, Braziliya va Hindiston kiradi.

AQSh hamon kasallanganlar va vafot etganlar soni bo‘yicha yetakchilik qilmoqda. Mamlakatda 29 million 438 ming kishida COVID-19 aniqlangan, 535 628 ta o‘lim qayd etilgan. Bemorlarning 21 milliondan ortig‘i sog‘aygan.

Virus yuqtirganlar soni bo‘yicha dunyoda ikkinchi o‘rinda Braziliya, uchinchi o‘rinda Hindiston turibdi. Braziliyada pandemiya paytida 11 million 519 ming kishida kasallik qayd qilingan, shundan 279 ming kishi vafot etgan, 10 milliondan ortig‘i tuzalgan.

Hindistonda esa infeksiyani yuqtirib olganlar soni jami 11 million 409 ming, virus qurbonlari soni 158 ming kishini tashkil etmoqda, 11 milliondan ortiq bemor kasallikni yengishga muvaffaq bo‘lgan.

Dunyo bo‘ylab muhim voqealari statistikasiga ixtisoslashgan Worldometer portalining ma’lumotlariga ko‘ra, Yer yuzida bir million aholiga to‘g‘ri keladigan o‘lim koeffitsiyenti 16-mart, seshanba kuni ertalab 342,8 tani tashkil etdi. Qo‘shma Shtatlarda har millionta aholining 1649 nafari, Braziliyada 1309 nafari, Hindistonda 114 nafari vafot etgan.

Ma’lumot uchun, dunyo bo‘ylab virusga chalinganlarning umumiy soni 7-fevral kuni 105 milliondan, 13-fevral kuni 108 milliondan, 18-fevral kuni 110 milliondan oshgandi.