O‘zbekistonda 2021-yil yakunigacha “temir daftar”ga kirgan 300 ming aholini kambag‘allikdan chiqarish rejalashtirilgan. Bu haqda 24-mart kuni Prezident Shavkat Mirziyoyev raisligida o‘tkazilgan yig‘ilishda so‘z yuritildi, deya xabar bermoqda “Daryo” muxbiri.
“‘Oilaviy tadbirkorlik’, ‘yoshlar’ va ‘ayollar’ dasturlarini bevosita mahallaga bog‘lab, aholi bandligini ta’minlash, tadbirkorlikni rivojlantirish va bu orqali 500 ming nafar yosh va 200 ming nafar ayolni ish bilan ta’minlash hamda ‘temir daftar’ga kiritilgan 300 ming aholini kambag‘allikdan chiqarish zarur.
Buning uchun 2021-yilda ‘Oilaviy tadbirkorlik’ dasturlari doirasida ajratilishi lozim bo‘lgan 6 trillion so‘m 1,5 baravarga oshirilib, ushbu maqsadlarga 9 trillion so‘m resurs yo‘naltiriladi.
Xolxo‘jayev, Zohidov mahallalarga biriktirilgan tijorat banklari bilan birga, joriy yil 1-sentabrga qadar dasturlarga kiritilgan har bir qishloq va mahallaning ixtisosligidan kelib chiqib, ‘Oilaviy tadbirkorlik’ loyihalarini amalga oshirishga mas’ul bo‘ladi”, — dedi Shavkat Mirziyoyev.
Ta’kidlanishicha, Jamshid Qo‘chqorov va Saidqahhor Xolxo‘jayev viloyat hokimlari bilan birga 2021-yilning 1-iyuniga qadar jami 128 ta mahallada kichik sanoat zonalarini Namangan tajribasi asosida tashkil etadi. Buning uchun investitsiya dasturlari doirasida 1 trillion so‘mdan ortiq mablag‘ ajratiladi.
Mavzuga doir:
- Shavkat Mirziyoyev: “Haqiqiy obod mahallada ‘temir daftar’, ‘ayollar’ va ‘yoshlar’ daftarlari bo‘lmasligi kerak”
- “137 ta mahalladagi 431 ta ikki qavatli uy avariya holatida” — Shavkat Mirziyoyev
- O‘zbekistondagi qishloq va mahallalarda aholi sharoitini yaxshilash uchun 2021-yilda jami 21 trln so‘m mablag‘ yo‘naltiriladi
- Shavkat Mirziyoyev: “Ijtimoiy-iqtisodiy ahvoli eng og‘ir hududlar uchun 3,3 trillion so‘m ajratiladi”
Izoh (0)