Ўзбекистонда 2021 йил якунигача «темир дафтар»га кирган 300 минг аҳолини камбағалликдан чиқариш режалаштирилган. Бу ҳақда 24 март куни Президент Шавкат Мирзиёев раислигида ўтказилган йиғилишда сўз юритилди, дея хабар бермоқда «Дарё» мухбири.
«‘Оилавий тадбиркорлик’, ‘ёшлар’ ва ‘аёллар’ дастурларини бевосита маҳаллага боғлаб, аҳоли бандлигини таъминлаш, тадбиркорликни ривожлантириш ва бу орқали 500 минг нафар ёш ва 200 минг нафар аёлни иш билан таъминлаш ҳамда ‘темир дафтар’га киритилган 300 минг аҳолини камбағалликдан чиқариш зарур.
Бунинг учун 2021 йилда ‘Оилавий тадбиркорлик’ дастурлари доирасида ажратилиши лозим бўлган 6 триллион сўм 1,5 бараварга оширилиб, ушбу мақсадларга 9 триллион сўм ресурс йўналтирилади.
Холхўжаев, Зоҳидов маҳаллаларга бириктирилган тижорат банклари билан бирга, жорий йил 1 сентябрга қадар дастурларга киритилган ҳар бир қишлоқ ва маҳалланинг ихтисослигидан келиб чиқиб, ‘Оилавий тадбиркорлик’ лойиҳаларини амалга оширишга масъул бўлади», — деди Шавкат Мирзиёев.
Таъкидланишича, Жамшид Қўчқоров ва Саидқаҳҳор Холхўжаев вилоят ҳокимлари билан бирга 2021 йилнинг 1 июнига қадар жами 128 та маҳаллада кичик саноат зоналарини Наманган тажрибаси асосида ташкил этади. Бунинг учун инвестиция дастурлари доирасида 1 триллион сўмдан ортиқ маблағ ажратилади.
Мавзуга доир:
- Шавкат Мирзиёев: «Ҳақиқий обод маҳаллада ‘темир дафтар’, ‘аёллар’ ва ‘ёшлар’ дафтарлари бўлмаслиги керак»
- «137 та маҳалладаги 431 та икки қаватли уй авария ҳолатида» — Шавкат Мирзиёев
- Ўзбекистондаги қишлоқ ва маҳаллаларда аҳоли шароитини яхшилаш учун 2021 йилда жами 21 трлн сўм маблағ йўналтирилади
- Шавкат Мирзиёев: «Ижтимоий-иқтисодий аҳволи энг оғир ҳудудлар учун 3,3 триллион сўм ажратилади»
Изоҳ (0)