Qashqadaryo viloyatining Qarshi shahrida Lacetti haydovchisi mashinani orqaga haydayotganida ikki bolani urib yubordi.
YHXBB matbuot xizmati xabariga ko‘ra, voqea 13-mart kuni soat 14:30 atrofida Islom Karimov ko‘chasida joylashgan “Chinor” restorani ro‘parasida yuz bergan. Haydovchi Sh.S. Lacetti’ni orqaga haydayotib, yo‘lni kesib o‘tayotgan 8 yoshli S.A. va 9 yoshli A.A.ni urib yuborgan.
Oqibatda tan jarohati olgan bolalarga birinchi tez tibbiy yordam ko‘rsatilgan. O‘tkazilgan tibbiy ekspertiza xulosasiga ko‘ra, ikkala bola yengil tan jarohati olgani aniqlangan.
Holat yuzasidan Qarshi shahar Ichki ishlar organlari faoliyatini muvofiqlashtirish boshqarmasi YHXB tomonidan surishtiruv ishlari olib borilib, tegishli hujjatlar to‘plangan va Jinoyat ishlari bo‘yicha Qarshi shahar sudiga yuborilgan.
Avvalroq Qarshida “Jiguli” yo‘ldan o‘tayotgan 15 yoshli qizni, Surxondaryoda Nexia-2 yo‘lni kesib o‘tayotgan 1-sinf o‘quvchisini, Samarqandda Damas 10 yoshli bolani urib yuborgani haqida xabar berilgan edi.
Izoh (0)