Qibrayda kechasi yuvilishi natijasida muzlab qolgan yo‘lda bir necha avtomobillar YTHga uchragani aytilmoqda. YHXBB ushbu holat yuzasidan ma’lumot berdi

Toshkent viloyati Chingeldi aholi punktida kechasi yo‘l yuvilgani, erta tonggacha yo‘llar muzlagani, buning oqibatida ko‘plab mashinalar o‘zaro to‘qnashgani haqida xabar tarqaldi. Holat yuzasidan YHXBB ma’lumot berdi.

Qayd etilishicha, 2021-yilning 18-mart kuni Toshkent viloyati Qibray tumani hududida Matiz, Cobalt, Damas, “VAZ-2106” va Nexia rusumli bir necha avtomobillar ishtirokidagi yo‘l-transport hodisasi sodir bo‘lgani aks etgan videolavha tarqaldi.

Ma’lumotlarga ko‘ra, hodisa natijasida tan jarohati olganlar yo‘q.

YTH yuzasidan Qibray tumani IIB YHXB tomonidan surishtiruv harakatlari olib borilmoqda.

Bundan avval Navoiyda yo‘lning belgilanmagan qismidan kesib o‘tgan mast piyoda Nexia urib ketishi oqibatida vafot etgani, Surxondaryoda 22 yoshli yigit otasiga tegishli mashinada YTHga uchrab, halok bo‘lgani hamda Jizzaxda me’yoridan 2 barobar ko‘p yuk ortgan Isuzu o‘zidan oldingi transportni urib, uni ag‘darib yuborgani haqida xabar berilgandi.