Investitsiyalar va tashqi savdo vaziriga yangi o‘rinbosar tayinlandi, deb xabar beradi Telegram’dagi “Huquqiy axborot” kanali.
O‘zbekiston Prezidentining 15-martdagi PQ-5027-sonli qarori bilan Xurram Teshaboyev investitsiyalar va tashqi savdo vazirining o‘rinbosari – Investitsiya loyihalarini ishlab chiqish markazi direktori lavozimiga tayinlandi. U ushbu markazga 2019-yilning iyunidan beri rahbarlik qilib kelayotgan edi.
Eslatib o‘tamiz, 2020-yilning martida Aziz Voitov investitsiyalar va tashqi savdo vazirining birinchi o‘rinbosari lavozimiga, noyabrda esa Davlat bojxona qo‘mitasi raisining birinchi o‘rinbosari lavozimida faoliyat yuritgan Anvar Asamov investitsiyalar va tashqi savdo vazirining o‘rinbosari lavozimiga tayinlangan edi.
Izoh (0)