O‘zbekistonda karantin talablariga rioya qilinishi ustidan nazorat kuchaygani hisobiga sanitariya-epidemiologiya qoidalarini buzganlarni javobgarlikka tortish holatlari ko‘paydi. Bu haqda IIV matbuot kotibi Shoxruh G‘iyosovga tayanib, “Gazeta.uz” xabar berdi.
Uning so‘zlariga ko‘ra, koronavirus bilan kasallanish darajasi ortgani sabab 16-martdan huquq-tartibot organlari aholi o‘rtasida karantin qoidalariga rioya qilish va niqoblarni taqish zarurati bo‘yicha targ‘ibot ishlarini kuchaytirgan.
So‘nggi uch sutka ichida O‘zbekistonda karantin qoidalarini buzgan 947 kishi javobgarlikka tortilgan (14-mart kuni 245, 15-mart kuni 302, 16-mart kuni 400 kishi). Ularning 113 nafari Toshkent shahrida (14-mart kuni 40, 15-mart kuni 13, 16-mart kuni 60 kishi). Toshkent viloyatida — 66 (14-mart kuni 29, 15-mart kuni 13, 16-mart kuni 23 kishi), Samarqand viloyati — 113 (14-mart kuni 0, 15-mart kuni 48, 16-mart kuni 65 kishi), Buxoro viloyati — 16 (14-mart kuni 5, 15-mart kuni 4, 16-mart kuni 7 kishi), Farg‘ona viloyati — 444 (14-mart kuni 147, 15-mart kuni 141, 16-mart kuni 156 kishi), Namangan viloyati — 167 (14-mart kuni 0, 15-mart kuni 82, 16-mart kuni 85 kishi). Xorazm viloyatida uch kun ichida bir kishigina jarimaga tortilgan, Navoiy viloyatida esa 3 kishi, qolgan viloyatlarda qoidabuzarlar aniqlanmagan.
Idora matbuot kotibining ma’lum qilishicha, karantin talablarini qo‘pol buzganlar, masalan, uy karantiniga rioya qilmagan, shuningdek, go‘zallik salonlari, bozorlar va savdo obyektlari kabi xizmat ko‘rsatish sohasidagilar ma’muriy javobgarlikka tortilmoqda.
Natijada, 14-mart kuni 245 kishi javobgarlikka tortilgan bo‘lsa, 15-mart kuni — 302 kishi, 16-mart kuni — yana 400 kishi. Viloyatlar kesimida eng ko‘p qoidabuzarlar Farg‘ona viloyatida qayd etilgan (147, 141 va 156 kishi). Aftidan, bu kabi ko‘ratkich viloyatda 17-oktabrdan boshlab niqob rejimini buzganlarni videokuzatuv kameralari orqali aniqlangani sabab bo‘lgan.
Toshkentda o‘tgan uch kunga mos ravishda 40, 13 va 60 kishi javobgarlikka tortilgan. E’tiborli jihati, 14-mart kuni mamlakatning 10 ta viloyatida biror kishi karantin talablarini buzgani uchun javobgarlikka tortilmagan.
Pandemiya boshlanganidan buyon 899,3 ming kishiga nisbatan jarima belgilangan (eng ko‘p: Toshkent shahri — 117,6 ming, Toshkent viloyati — 177,6 ming, Farg‘ona viloyati — 137,6 ming va Samarqand viloyati — 101,8 ming), shuningdek, 43 kishi jinoiy javobgarlikka tortilgan.
Eslatib o‘tamiz, Ma’muriy javobgarik to‘g‘risidagi kodeksning 54-moddasida epidemiyalarga qarshi kurash qoidalarini buzganlik uchun javobgarlik choralari belgilangan. Ushbu moddaga ko‘ra, karantinli va inson uchun xavfli bo‘lgan boshqa yuqumli kasalliklar paydo bo‘lishi hamda tarqalishi sharoitida vakolatli organning maxsus talablariga zid ravishda jamoat joylarida niqobsiz bo‘lish — bazaviy hisoblash miqdorining 5 baravarigacha (1 million 225 ming so‘m) miqdorda jarima solishga sabab bo‘ladi.
Mavzuga doir:
Izoh (0)