Rossiyaning Volgograd viloyati Voljskiy shahridan O‘zbekiston fuqarolarini mamlakatga olib kelish maqsadida “O‘zbekiston temir yo‘llari” tomonidan navbatdagi maxsus poyezdlar qatnovi amalga oshiriladi. Bu haqda Transport vazirligi xabar berdi.
Ma’lum qilinishicha, Voljskiy—Toshkent yo‘nalishida harakatlanadigan 483/484-sonli poyezd 19-mart kuni Moskva vaqti bilan soat 20:50 da “Voljskiy” stansiyasidan, shuningdek, 22-mart kuni Moskva—Toshkent yo‘nalishida harakatlanadigan 476-sonli maxsus poyezd 22-mart kuni Moskva vaqti bilan soat 22:28 da “Kazanskaya” temiryo‘l vokzalidan jo‘naydi.
Ta’kidlanishicha, yo‘lovchilarga chipta xarid qilishda qulaylik yaratish maqsadida elektron chiptalarni sotish yo‘lga qo‘yilgan.
Eslatib o‘tamiz, Rossiya Transport vazirligi hamda “Rossiya temir yo‘llari” 2020-yil sentabr oyining oxirida va oktabr oyining boshida O‘zbekiston fuqarolarini o‘z uyiga qaytarish uchun Voljskiy—Toshkent yo‘nalishida o‘nta maxsus poyezd tashkil qilgan va umumiy hisobda 11 mingdan ortiq o‘zbekistonlik o‘z yurtiga qaytarilgan edi.
Izoh (0)