Инвестициялар ва ташқи савдо вазирига янги ўринбосар тайинланди, деб хабар беради Telegram’даги «Ҳуқуқий ахборот» канали.
Ўзбекистон Президентининг 15 мартдаги ПҚ-5027-сонли қарори билан Хуррам Тешабоев инвестициялар ва ташқи савдо вазирининг ўринбосари – Инвестиция лойиҳаларини ишлаб чиқиш маркази директори лавозимига тайинланди. У ушбу марказга 2019 йилнинг июнидан бери раҳбарлик қилиб келаётган эди.
Эслатиб ўтамиз, 2020 йилнинг мартида Азиз Воитов инвестициялар ва ташқи савдо вазирининг биринчи ўринбосари лавозимига, ноябрда эса Давлат божхона қўмитаси раисининг биринчи ўринбосари лавозимида фаолият юритган Анвар Асамов инвестициялар ва ташқи савдо вазирининг ўринбосари лавозимига тайинланган эди.
Изоҳ (0)