Rossiyalik stritreyserlar o‘zlarining YouTube’dagi kanali orqali mashhur Need For Speed poyga simulyatorini real hayotga ko‘chirdi. Navbatdagi sonning asosiy qahramoniga BMW M4 aylandi, deb xabar beradi Motor.
Rolik avvalida bosh qahramon poyga uchun mashina tanlangan garajda paydo bo‘lgan. Kompyuter o‘yinidagi kabi mashinani barcha tomondan tomosha qilish, sportkar kuzovi rangini tanlash, shuningdek, ayrim sozlamalarni personallashtirish mumkin. Tanlab bo‘lingach, “o‘yinchi” yashil BMW M4’ni tanlagan.
Barcha tayyorgarlikdan so‘ng, M4 Rossiyaning tungi ko‘chalarida paydo bo‘lgan. Sodir bo‘layotgan voqealarning barchasi an’anaviy ravishda uchinchi shaxs tomonidan suratga olingan. Videorolikda haqiqiy tasvirlar kompyuter grafikasi bilan uyg‘unlashtirilgan. Xuddi Need For Speed’dagi kabi kadrda virtual xarita, spidometr, shuningdek, to‘plangan ochkolar paydo bo‘ladi.
Uzoq davom etmagan driftdan keyin BMW M4 poyga oldidan startda raqiblari Lamborghini Huracan, Mercedes-AMG C 63 S va Mitsubishi Lancer Evolution VIII bilan paydo bo‘lgan. Poyga davomida bosh qahramon virtual azot oksidi yordamida oldinlab ketib, poygada g‘olib chiqqan. Rolik muallifining so‘zlariga ko‘ra, u uch daqiqali videoni tasvirga olish uchun ikki oy vaqt sarflagan.
Eslatib o‘tamiz, 2020-yilning martida Rossiyaning ko‘cha poygachilari jamoasi Sankt-Peterburgda xuddi Need for Speed: Most Wanted kompyuter o‘yinidagi kabi sahnani yaratgandi. Rolikda BMW M3 GTR, Toyota Supra va Porsche Cayman ishtirok etgan.
Izoh (0)