Toshkentda Nexia-3 va Spark ishtirokida sodir bo‘lgan yo‘l-transport hodisasi oqibatida yengil mashinalarda yong‘in chiqdi, deb xabar beradi FVV matbuot xizmati.
Ma’lum qilinishicha, YTH 10-mart kunidan 11-mart kuniga o‘tar kechasi, Shota Rustaveli ko‘chasida sodir bo‘lgan. To‘qnashuvdan so‘ng ikkala mashinada ham yong‘in kelib chiqqan.
Haydovchilar o‘z vaqtida mashinadan chiqib ketishga ulgurgani sabab ko‘ngilsiz hodisa oqibatida hech kimga jarohat yetmagan.
“Bir necha daqiqadan so‘ng yong‘in sodir bo‘lgan joyga Toshkent shahar Favqulodda vaziyatlar boshqarmasining yong‘in-qutqaruv guruhlari yetib kelgan va yong‘in bartaraf etildi”, — deyiladi xabarda.
Avvalroq Farg‘onada Lacetti bilan to‘qnashgan Matiz yonib ketishi oqibatida ikki yo‘lovchi ayol vafot etgani, Dehqonobodda Shahrisabzdan kelayotgan yuk mashinasida yong‘in chiqqani, Surxondaryodan Toshkentga yo‘lga chiqqan Nexia’ning yonib ketishi oqibatida 3 kishi vafot etgani haqida xabar berilgan edi.
Izoh (0)