YouTube’dagi Roma Urraco sahifasi blogeri obunachilariga o‘zining navbatdagi topilmasi bilan bo‘lishdi — bu safar u kuzov raqami 0000079 bo‘lgan “VAZ-2106”ni topishga muvaffaq bo‘lgan. Blogerning o‘zi ushbu mashinani “hozirgi kunga qadar saqlanib qolgan eng birinchi 2106 modellaridan biri” deb atagan.
Avtomobil 1976-yilda ishlab chiqarilgan: kuzov raqami 0000079, ehtiyot qismlari raqami — 0000054. Shundan kelib chiqib bloger ushbu mashina tartib raqam bo‘yicha 54-“VAZ-2106” degan xulosaga kelgan. Uzoq yillar davomida mazkur avtomobilga Moskva viloyatidan bo‘lgan “mashhur olim” egalik qilgan. Mashinadagi davlat raqami hamon sovet davriga tegishli qora raqamlar.
Bloger tomonidan topilgan mashinani “vaqt kapsulasi” deb atab bo‘lmaydi, chunki avtomobil bir necha bor bo‘yalgan, ayrim ehtiyot qismlari o‘zgartirilgan, xususan, karbyuratori va benzonasosi. Shunga qaramay, “VAZ-2106”ning qurilmalar paneli saqlanib qolgan, mashina “VAZ-21031” motori yordamida harakatga keladi — “VAZ-2103” oilasiga kiruvchi bu kabi agretlarga shu turdagi modellarning dastlabkilariga o‘rnatilgan.
Avvalroq “VAZ-2106” Tolyattiga olib kelingan bo‘lib, bu yerda Lada History nomli mahalliy klub uni restavratsiya qilish bilan shug‘ullanmoqda. Unga original ehtiyot qismlarni o‘rnatish va avtomobilning dastlabki ko‘rinishini qaytarish rejalashtirilgan.
Avvalroq Ukrainada hali zavoddagi plyonkasi olib tashlanmagan 30 yillik “Moskvich”, Xerson viloyatida joylashgan omborlarning biridan esa deyarli yurmagan “Zaporojets” topilgani to‘g‘risida xabar berilgandi.
Mavzuga doir: Ukrainada qizil salonga ega noyob “Jiguli” topildi. Olcharang mashina deyarli yo‘l bosmagan (video)
Izoh (0)