Tailand bosh vaziri jurnalistlarning savollaridan norozi bo‘lib, ularga antiseptik sepib yubordi (video)

Tailand bosh vaziri Prayut Chan-Ocha jurnalistlarga qo‘l uchun dezinfeksiyalovchi vositani sepib yubordi. Bu haqda Tengrinews xabar berdi.

Ta’kidlanishicha, Vazirlar mahkamasidagi ehtimoliy kadrlar almashinuvi haqidagi savollar vazirni shunday harakatga undadi. Mahalliy jurnalistlardan biri yangi amaldorlarning aniq ismlarini so‘radi.

Prayut bunga javoban oldingi qatorda turgan jurnalistlarga o‘z ishlari bilan shug‘ullanishini va keraksiz savollar bermasligini maslahat berib, dezinfeksiya vositasini purkadi. U atrofga antiseptik purkashni davom ettirib, brifingni tark etdi. Voqea vazirning Bangkokdagi haftalik matbuot anjumanida sodir bo‘ldi.

OAVning ta’kidlashicha, Tailand bosh vaziri o‘zining kutilmagan xatti-harakatlari bilan tanilgan. Avvalroq u OAV vakillari bilan suhbatda jurnalistlardan birining qulog‘ini silab, operatorga banan po‘stlog‘ini uloqtirgan edi. Chan-Ocha 2014-yilda harbiy to‘ntarishga rahbarlik qilgan, 2019-yil mart oyida bo‘lib o‘tgan parlament saylovlaridan so‘ng hukumat boshqaruviga kelgan.