Таиланд бош вазири Прают Чан-Оча журналистларга қўл учун дезинфекцияловчи воситани сепиб юборди. Бу ҳақда Tengrinews хабар берди.
Таъкидланишича, Вазирлар маҳкамасидаги эҳтимолий кадрлар алмашинуви ҳақидаги саволлар вазирни шундай ҳаракатга ундади. Маҳаллий журналистлардан бири янги амалдорларнинг аниқ исмларини сўради.
Прают бунга жавобан олдинги қаторда турган журналистларга ўз ишлари билан шуғулланишини ва кераксиз саволлар бермаслигини маслаҳат бериб, дезинфекция воситасини пуркади. У атрофга антисептик пуркашни давом эттириб, брифингни тарк этди. Воқеа вазирнинг Бангкокдаги ҳафталик матбуот анжуманида содир бўлди.
ОАВнинг таъкидлашича, Таиланд бош вазири ўзининг кутилмаган хатти-ҳаракатлари билан танилган. Аввалроқ у ОАВ вакиллари билан суҳбатда журналистлардан бирининг қулоғини силаб, операторга банан пўстлоғини улоқтирган эди. Чан-Оча 2014 йилда ҳарбий тўнтаришга раҳбарлик қилган, 2019 йил март ойида бўлиб ўтган парламент сайловларидан сўнг ҳукумат бошқарувига келган.
Изоҳ (0)