Surxondaryo viloyatidan Toshkentga qarab yo‘lga chiqqan Nexia Qashqadaryo viloyatining G‘uzor tumanida beton to‘siqqa urilishi oqibatida yonib ketdi. Bu haqda “Daryo”ga viloyat IIB, Yo‘l harakati xavfsizligi boshqarmasi axborot xizmati rahbari Javlon Baxtiyev ma’lum qildi.
Ta’kidlanishicha, yong‘in oqibatida 3 nafar fuqaro vafot etgan.
Ma’lum bo‘lishicha, 2021-yilning 3-mart kuni soat 04:45 da Qashqadaryo viloyatining G‘uzor tumani hududidan o‘tuvchi M39 xalqaro avtomobil yo‘lining 1240 kilometrida 1999-yilda tug‘ilgan haydovchi P.Z. boshqaruvidagi Nexia yo‘lni ikkiga ajratib turuvchi БДO-5 beton to‘sig‘iga urilib, yonib ketgan. Natijada haydovchi P.Z. va uning avtomobilida bo‘lgan yo‘lovchilar T.A. va B.B. voqea joyida yong‘indan kuyib vafot etgan.
Avvalroq O‘zbekistonda 2020-yilda yo‘l-transport hodisalari oqibatida jami 1962 kishi halok bo‘lgani, yo‘l harakati xavfsizligiga qarshi sodir etilgan jinoyatlar uchun jazoni kuchaytirish taklif etilayotgani haqida xabar berilgan edi.
Izoh (0)