Gateway Classic Car saytida qachonlardir “Kanzas-Siti” beysbol jamoasining paradida ishtirok etgan ulkan g‘ildiraklarga ega maxluqsimon yo‘ltanlamas sotuvga qo‘yildi. Tirkamaga ega mashina 50 yillik Toyota Land Cruiser FJ40 bazasi yaratilgan bo‘lib, 124 ming dollarga sotilmoqda, deb xabar beradi Motor.
“Maxluq-mashina”ning asosini 1972-yilda ishlab chiqarilgan klassik Toyota Land Cruiser FJ40 tashkil etadi, aynan — uning old qismi po‘lat karkasga o‘rnatilgan. Yo‘ltanlamas differensiallarni pnevmatik bloklovchi Dana 60 ko‘priklari va King Off-road amortizatorlariga ega bo‘lgan. Ulkan g‘ildiraklar yo‘ltanlamas tashqi ko‘rinishiga o‘zgacha tus bag‘ishlagan: 17 dyuymli diskalarga 49 dyuyumli shinalar kiygizilgan. Mashina Chevrolet’ning 350 ot kuchiga ega V8 dvigateli yordamida harakatga keladi, u esa o‘z navbatida uch pog‘onali GM avtomati va Atlas taqsimlovchi qutisi yordamida boshqariladi.
“Bigfut” xuddi shu uslub ishlangan va g‘ildiraklarga ega tirkama bilan sotilmoqda. Kuzoviga Kansas City Royals basketbol jamoasining 2015-yilgi logotipi tushirilgan — o‘shanda tirkamali yo‘ltanlamas mahalliy beysbolchilarning g‘alabasiga bag‘ishlangan tantanali paradda ishtirok etgan edi.
“Bigfutlar” doim ham yo‘ltanlamas bazasida bo‘lmaydi — ba’zi loyihalar uchun umuman ushbu maqsadlarga mos kelmaydigan avtomobillar tanlanadi. Masalan, bir necha yil oldin ulkan g‘ildiraklarni Rolls-Royce Phantom Drophead “kiyib ko‘rgandi”.
Avvalroq Ford Aerostar miniveni maxluqsimon tankka aylantirilgani to‘g‘risida xabar berilgandi.
Izoh (0)