Birlashgan Arab Amirliklarida noyob kuzovga ega 2014-yilgi “tilla” Nissan GT-R sotuvga qo‘yildi. Dvigateli modifikatsiya qilingan va 9600 kilometr yo‘l bosgan sportkar 435 ming dollarga baholangan, deb yozadi Motor.
2016-yilda Nissan GT-R SEMA tyuning-shousi uchun tayyorlangan. Sportkarni qayta ishlash jarayonida bir nechta ixtisoslashgan atelye ishtirok etgan. Modifikatsiya jarayonida sportkar butunlay zavoddagi bo‘yog‘idan tozalangan, shundan so‘ng, avtomobil kuzoviga qo‘lda eksklyuziv naqshlar chizilgan va GT-R tilla rangiga bo‘yalgan. Bundan tashqari, muhandislar kuzovning nometall elementlarida “tilla” effektini yaratishga muvaffaq bo‘lgan.
Sportkar o‘ziga xos diffuzor, kengaytirilgan g‘ildirak arkalari, shuningdek, gaz chiqarish tizimining to‘rtta titan trubasiga, massiv antiqanot va qora rangli eksklyuziv g‘ildirak diskalariga ega bo‘lgan. Tyunerlar mashina interyerini ham tilla rangiga bo‘yashni davom ettirgan. Markaziy panel, havo haydagichlar va eshikning ichki qoplamalari tilla rangi bilan bo‘yalgan. Bundan tashqari, muhandislar kovushsimon Recaro poyga o‘rindiqlariga ega bo‘lgan.
Shuningdek, mutaxassislar sportkarning kuch agregati ustida ham ish olib borgan. Trubinalar o‘rnatilgani sabab 3,8 litrli V6 dvigateli 900 ot kuchini taqdim etishga qodir. 2016-yilda eksklyuziv loyiha million dollarga baholangan. Ayni vaqtda “tilla” Nissan GT-R 435 ming dollarga sotilmoqda.
Avvalroq amerikalik xaridor bir xil uslubda tyuning qilingan to‘rtta Chevrolet Tahoe sotib olgani to‘g‘risida xabar berilgandi.
Mavzuga doir:
Izoh (0)