Футбол бўйича Испания Ла Лигасининг 26-турида «Атлетико» ва «Реал Мадрид» жамоалари 7 март, якшанба куни ўзаро баҳс юритди.
Учрашувнинг 15-дақиқасида Маркос Льорентенинг узатмасидан кейин Луис Суарес ҳисобни очди. Баҳс давомида ҳар икки жамоа вакилларида бир қатор имкониятлар бўлди.
Иккинчи бўлим якунланиши арафасида меҳмонларнинг кучли босими ўз фойдасини берди. Каземиронинг узатмасидан кейин Карим Бензема яқин масофадан рақиб дарвозасини ишғол қилиб, мувозанатни тиклади.
«Атлетико» 59 очко билан пешқадам бўлиб турибди, шу билан бирга Диего Симеоне жамоаси битта захира ўйинига эга. «Реал» эса 54 очко билан учинчи ўринда бормоқда.
«Реал» кейинги турда «Элче» билан ўйнайди, «Атлетико» клуби «Хетафе» уйида меҳмон бўлади.
Ла Лига
26-тур баҳслари
7 март, якшанба
«Атлетико» — «Реал Мадрид» 1:1
Голлар: 1:0 – 15 Суарес, 1:1 – 88 Бензема.«Атлетико»: Облак, Эрмосо, Фелипе, Савич, Триппьер, Льоренте, Коке, Лемар (Сауль, 57), Карраско (Жоау Феликс, 64), Корреа (Кондогбиа, 82), Суарес.
«Реал Мадрид»: Куртуа, Начо, Менди, Варан, Васкес, Каземиро, Кроос, Родриго (Винисиус Жуниор, 60), Модрич, Асенсио (Вальверде, 60), Бензема.
Огоҳлантиришлар: Карраско (64), Варан (67), Корреа (72), Жоау Феликс (80), Савич (90), Льоренте (90+2).
«Уэска» — «Сельта» 3:4
Голлар: 0:1 – 5 Санти Мина, 1:1 – 14 Сиовас, 2:1 – 16 Рафа Мир, 2:2 – 37 Нолито, 2:3 – 52 Мало, 3:3 – 74 Феррейро, 3:4 – 76 Бельтран.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)