“Paxtakor” klubi yarim himoyachisi Odil Hamrobekov faoliyatini BAA chempionatida davom ettiradi.
25 yoshli futbolchi erkin agent maqomida “Shabob al-Ahli” safiga borib qo‘shildi. Tomonlar 2021-yil oxirigacha amal qiladigan shartnoma imzolagan. Bu haqda BAA klubi rasman ma’lum qildi.
Dubayliklar klubi jarohat sabab uzoq muddatga safdan chiqqan Aziz G‘aniyevning o‘rniga Hamrobekovni olib keldi.
Eslatib o‘tamiz, “Shabob al-Ahli” safida ayni vaqtda yana bir o‘zbekistonlik futbolchi Jaloliddin Masharipov ijara asosida harakat qilmoqda.
Hamrobekov Superliga 2020-yilgi mavsumida 22 o‘yin o‘tkazib, 4 ta golli uzatma amalga oshirdi.
Ma’lumot uchun, BAA chempionatida shuningdek, Otabek Shukurov (“Sharja”) va Doston Hamdamov (“An-Nasr” / “Hatta”) kabi o‘zbekistonlik futbolchilar harakat qiladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)