Ispaniya Kubogi finaliga yo‘l olgan ikkinchi jamoa nomi ma’lum bo‘ldi
Futbol bo‘yicha Ispaniya Kubogining ikkinchi yarim finali javob uchrashuvida “Atletik B” 4-mart, payshanba kuni “Levante” maydoniga safar qildi.
O‘yinning 17-daqiqasida Roxer Marti “Levante”ni hisobda oldinga olib chiqdi. 30-daqiqaga kelib mezbonlar darvozasi tomon penalti belgilandi. Undan aniq foydalangan Raul Garsia hisobni tenglashtirdi. Qolgan vaqtda hisob o‘zgarmadi va jamoalar qo‘shimcha bo‘limlarga yo‘l oldi.
112-daqiqada Aleks Berenger tomonidan urilgan gol “Atletik B”ga g‘alaba keltirdi.
Shu tariqa bilbaoliklar musobaqaning finaliga yo‘l oldi. Jamoani finalda “Barselona” kutib turibdi. Kataloniya klubi 3-mart kuni bo‘lib o‘tgan uchrashuvda “Sevilya” ustidan 3:0 hisobida g‘alaba qozonib, kambek qilgan edi.
Ispaniya Kubogi
Yarim final, javob uchrashuvi
4-mart, payshanba
“Levante”—“Atletik B” 1:2
Gollar: 1:0 – 17 Roxer Marti, 1:1 – 30, penalti Raul Garsiya, 1:2 – 112 Berenger.
“Levante”: Fernandes, Miramon (Koke, 108), Vezu, Rober (Bardi, 46), Klerk, Malsa (Son, 85), Rochina (Vukchevich, 85), De Frutos, Duarte, Roxer Marti (Dani Gomes, 90), Morales (Leon, 90).
“Atletik B”: Unai Simon, Yeray Alvares, Nunyes, Berchiche (Balensiaga, 108), De Markos (Kapa, 105), Raul Garsiya (Vilyalibre, 96), Vesga (Dani Garsiya, 97), Muniain (Morsilyo, 111), Unai Lopes (Vensedor, 105), Berenger, Uilyams.
Ogohlantirishlar: Duarte (28), Nunyes (42), Roxer Marti (55), Rochina (76), De Markos (105).
Birinchi o‘yin — 1:1
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
