Prezident Shavkat Mirziyoyev Namangan viloyatiga tashrifi davomida Namangan shahidagi “Ishga marhamat” monomarkazida jurnalistlar bilan muloqot qildi. Bu haqda uchrashuvda qatnashgan “Daryo” muxbiri Mirolim Isajonov xabar berdi.
Davlat rahbari ommaviy axborot vositalari va blogerlar amaldorlarning xalqni rozi qilish yo‘lida amalga oshirayotgan islohotlarini e’tirof etish barobarida kamchiliklarni ham dadil ko‘tarib chiqishayotganini alohida ta’kidladi.
“Mamlakatimiz taraqqiyoti va odamlarimizni rozi qilish maqsadida amalga oshirayotgan ishlarimizni xalqqa ko‘rsatishdan tashqari, kamchiliklarimizni ham olib chiqayotganlaringizni yaxshi bilaman. Bu esa davlat tashkiloti rahbarlari, hokimlarning yanada faol ishlashiga turtki bo‘ladi.
O‘zim ham amaldorlarga ‘Jurnalist va blogerlar bilan do‘st bo‘lib, birgalikda kamchiliklarni to‘ldiringlar, muammolarga yechim topinglar. Kim ularga do‘st bo‘lsa, men ham o‘sha rahbarni o‘zimga do‘st deb bilaman’, degan gapni ko‘p takrorlayman. Sizlar hamisha islohotlarimizga adolatli va tahliliy baho berishda davom etishlaringizni istaymiz. Hech narsadan qo‘rqmanglar, ortlaringizda Prezident turibdi”, – dedi Shavkat Mirziyoyev.
Eslatib o‘tamiz, Prezident Rishton xalqaro kulolchilik markazini ko‘zdan kechirish vaqtida OAV vakillari bilan 15 daqiqa muloqot qilgan edi.
Prezidentning Namangan viloyatiga tashrifiga oid boshqa xabarlar:
- Shavkat Mirziyoyev Namangan viloyatiga tashrifini Yangiqo‘rg‘on tumanidan boshladi
- Shavkat Mirziyoyev Namanganda Chust textile xususiy to‘qimachilik korxonasini borib ko‘rdi
- Shavkat Mirziyoyev: “Ilmiy yondashuv yo‘qligi bois kartoshkani ham ko‘ngildagidek yetishtira olmayapmiz”
- Shavkat Mirziyoyev “Dashtbog‘” kichik sanoat zonasiga tashrif buyurdi
Izoh (0)