Shavkat Mirziyoyev “Sun’iy intellekt texnologiyalarini jadal joriy etish uchun shart-sharoitlar yaratish chora-tadbirlari to‘g‘risida”gi qarorni imzoladi. Bu haqda “O‘zbekiston 24” telekanali orqali ma’lum qilindi.
Hujjat sun’iy intellekt sohasida mahallik ekotizimni va ishlab chiquvchilar uchun zarur shart-sharoitlarni yaratish, sohani huquqiy tartibga solish va boshqa masalalarni nazarda tutadi.
2021—2022-yillarda to‘qqizta sohada bir nechta pilot loyihalar ishga tushiriladi: banklar, qishloq xo‘jaligi, moliya, soliq, farmatsevtika, sog‘liqni saqlash, transport, energetika, elektron hukumat.
1-iyuldan boshlab tadqiqotlar doirasida sun’iy intellektni qo‘llash bo‘yicha maxsus huquqiy rejim joriy etilmoqda. Unga 200 milliard so‘m ajratish belgilangan. Jumladan:
- Sun’iy intellektni rivojlantirish bo‘yicha ilmiy-tadqiqot instituti;
- Axborot texnologiyalari va kommunikatsiyalarini rivojlantirish vazirligi huzurida alohida department;
- Turli tashkilot va idoralarning qo‘shma alyansi;
- Raqamli ma’lumotlar platformasi tashkil etiladi.
Bundan tashqari, ovozli biometriyani joriy etish bo‘yicha Rossiyaning “Sber” guruhi bilan hamkorlik yo‘lga qo‘yilmoqda, hozirda Face ID’ni joriy etish ishlari olib borilyapti.
Izoh (0)